اولا انا عايز اشكر كل الاعضاء الي شاركوني بمعلوماتهم القيمه الي فعلا افادتني جدا جدا
ثانيا : انا النهاردة لاول مرة اركب عربية اتوماتيك كانت رينو لوجان 2005 استيبرونيك هيا كانت معروضة عليا للبيع فركب مع السمسار بس مسقتهاش هوا قلي تجرب تسوق بس انا مرضتش قلت لما تكون عربيتي ابقي اجرب فيها براحتي في الاخر اسمها عربيتي وانا حر فيها بس بصراحة حاسيت اني ممكن اسوقها بسهولة جدا واسهل من المانول بكتير جدا جدا ويمكن محتاجش حد يعلمني عليها كمان موضوع ابسط مما كنت متخيل وطبعا الفضل راجل للسادة الاعضاء الي مبخلوش عليا بأي معلومة
ثالثا : انا عايز رايكم في الميجان الي معروضة عليا لو مكنتش متقل عليكم هيا موديل 2005 اعلي فئة بانوراما فتحة سقف استيبرونيك حالتها ممتازة راشة برة جيدة جدا دواخل بس الكاسيت مش بتاعها والاير باج مش مشغلة علي حد قولة سعرها 65000 منتظر الرد
