[Dr. Bolbolan]

ماشى يا باشمهندس ! فكرتنى بحكايه نحكيها لكم على بال الصور ما تتحمض فى المعمل !

كنت راكب طياره كبيره و جاى من تونس لمصر و جت قعدتى فى الكراسى ال6 اللى فى

المنتصف و كان على يمينى راجل بسيط الثياب و شايل ابنه على حجره والولد حوالى 5 سنوات

و حافى بدون جزمه ! و صحيح كلنا ولاد تسعه ! بس كنت مستغرب الراجل ده ازاى راكب طياره ؟

المهم طارت الطياره من هنا و الواد ما بطلش تنطيط و رفس فى من هنا و شلاليت و شد هدوم

و بقيت ح أولع بس كنت خايف أحرق الطياره ! فقلت آخد الراجل واحده واحده ! انت منين ؟

قال لى من موريتانيا ! و الى أين أنت ذاهب ؟ فقال لى للعمل فى أبو ظبى ! فقلت له باندهاش !

أى عمل ؟ فقال ما معناه عامل نظافه فى الشارع ! ( زبال يعنى ) و هنا تشجعت و شخطت

فى الولد و قلت له أنا دكتور و اذا لم تهمد ح أديك حقنه ! فنظر الى الولد فى بلاهه نظرة من يريد

أن يقول ( مين العبيط ده ) و زاد فى قلة الآدب ! فشخطت فى أبوه و قلت له ترجم له !

فقال له أبوه ( أسكت لحسن يدجك ! ) و هنا اتسعت عينا الطفل و نظر الى نظرة رعب و صرخ

و بكى و استخبى فى حضن أبوه ! و سكت ولم يتحرك طول الرحله ! لذلك اذا لم تظهر الصور

يا أحمدكار ........ح أدجك !

Dr. Bolbolan