[kholio85]

السلام عليكم اخواني
انا حقيقة عضو جديد بالمنتدي ولسة شاري العربية قريب
شيفروليه لانوس 2009 وللاسف شاريها مستعملة " علي قد فلوسى"

المهم العربية لما بركنها بالليل واجي اسوقها تاني يوم مكنتش بترضي تدول
ف الاول قلت عيب بطارية فغيرت البطارية وجبت بطارية جافة جديدة
وبرضه حصلت نفس المشكلة
كمان لما بركب السلكين بتوع البطارية البطارية بتشرز وبسمع تكتكه
في الجنب اليمين للعربية تحت سير الكاتينه كدا عند سير الدينامو والتكييف
ولما سبت العربية 24 ساعه وجيت ادورها مدارتش
بقيت كل يوم بالليل ارفع فردة من البطارية وعايش علي الحال ده
كل ماجي اركن العربية ساعتين تلاته اشيل فرده من البطارية
ارجو الافادة ازاي اعرف ايه اللي بيسحب من البطارية والعربية مبطله
مع العلم ان العربية هاف اوبشنز وصاحبها مركبلها سنتر لوك ومكنة كهربا للاريال
ومكنة الكهربا بتاعت الاريال بتزن شوية اول ما ادور وبعدين بتسكت
واسف للاطالة