مش عارف هو مفيش غيرى فى البلد دى
راكن العربية فى ستانلى ادام مدرسة جيرار والمفروض منطقة حيوية يعنى
نزلت لاقيت الكابوت مفتوح
وازاز الباب بتاعى متكسر بس الحمد لله مفيش حاجة مسروقة
درج التابلوة كان فية اتنين نظارة ريبان وتحت الكرسى طقم عدة المانى وقلمين روترونج عند الفتيس والحمد لله موجدين والكاسيت موجود
المهم هنا بقى معنى انهم سابو كل دة معناة انهم كانو ناويين يخدو العربية كلها البطرية لو سرقوها وراحو باعوها اخرها 50 جنية
كان ممكن يوصلو وصلة من البطارية للموبينا وطرمبة البنزين يوصلها من عند علبة الفيوزات وكدة اول تكة مفتاح ويوصلو مرش بعديها والعربية تدور
معنى كدة فكرة زرار فصل طرمبة البنزين من عند علبة الفيوزات زى اللى معظم الناس عملينة مش عملى الحرامى ممكن يوصلو من من علبة الفيوزات عالطول
فالاحسن فصل الطرمبة من جوة من تحت الكنبة بحيث لو وصل كهربا من الكبوت مش حتشغل الطرمبة
و طبعا اجهزة الانزار دلوقت زى قلتها
فى دماغى فكرة من زمان وكنت مكسل اعملها بس دلوقت خلاص حبتدى اشتغل فيها
الفكره كلها لما يرن الانذار يلقط سولينويد كهرباء ينزل على زرار موبايل اللى حكون مظبطة على نمرتى
ويتصل بيا ساعت لما الانزار يرن
وكمان ممكن اركب انكودر عند سير الدينمو بحيث لو فى اسؤ الظروف واالعربية اشتغلت معاهم
جهاز موبيل تانى يرنلى
والحمدلله على كل شئ وربنا يسترها معانا جميعا
وحسبى الله ونعم الوكيل
اسكندرية خلاص مبقتش امان
:w6w2005041122453 06e