[hazem_khidr]

استاذ نجاتي
مافيش حاجه اسمها هاف باور و باور كامل
دي كلها اسماء بيسموها التجار علشان يمشوا بضاعتهم في عين الزبون
الموضوع دا ظهر لما كانت العربيات زمان عامله زي اللادا كده
عباره عن خزنه دركسيون و تيش طوالي بيتنقل ليه الحركه و كان الدركسيون تقيل
بعد كده النظام دا اتغير و بقي معظم الشركات بتستعمل نظام ماكفرسون(الاسكترا)
و دا بيستغني عن خزنه الدركسيون و التيش الطوالي في صالح الاسكترا اللي راكبه مكان التيش
و فيه تروس مسننه من جوه بتحول الحركه الدائريه للدركسيون الي حركه افقيه
لتحريك الاطارات شمال و يمين و بالتالي النظام دا بقي اخف .
=========
القصد
يبقي احنا عندنا باور او من غير باور مافيش حاجه اسمها هاف باور
لو العربيه لقيت فيها علبه زيت باور و كمبروسر راكب و واخد سير من الموتور زيه زي التكييف او الدينامو
يبقي العربيه دي باور .ولو مالقتش السير دا ولا العلبه يبقي العربيه مش باور.
علشان ما تخليش حد يعدد ليك في مزايا عربيه و هي مش مزايا اصلا.
دركسيون الابيزا مش خفيف علي فكره
و اي الماني بيبقي تقيل مش زي الياباني او الكوري