رد: هو ماحدش عنده ماتركس ولا ماحدش عاوز يساعد!!!
متهيألي رينج السعر ده يجيب ماتريكس 2005 بحالتها .. وممكن السعر يقل شويه حسب حاله العربيه ...
بالرغم ان الماتريكس بتشترك مع الفيرنا و الالنترا الشكل القديم في الموتور و أغلب المكونات ...
لكن صعب اننا نعمل مقارنه بين الماتريكس و اي عربيه سيدان لأن الماتريكس فئه مختلفه عن العربيات السيدان
وتعتبر من فئه ال Multi Purpose Vehicle - MPV
يعني سقف عالي و كراسي مرتفعه في وضعيه الجلوس و صالون واسع جدا مع امكانيه اماله ضهر الكنبه و تحريكها للأمام و الخلف وبالتالي إمكانيه تكبير و تصغير الشنطه
وده ميزته في وضعيه جلوس مريحه جدا ومرونه داخليه وراحه كبيره للركاب سواء كبار او أطفال ...
سهوله في القياده وفي كشف الطريق و الالمام بأبعاد العربيه ...
لكن ...
الشنطه برغم العمليه في تكبيرها و تصغيرها الا ان حجمها ناتج من الارتفاع العالي مش العمق ودي ممكن تكون ميزه ساعات و عيب ساعات حسب طبيعه الاستخدام
وضعيه الجلوس المرتفعه بتفقد السائق الاحساس الرياضي في القياده ... ومع الفتيس الاوتوماتيك بطيء الاستجابه بيكون الموضوع ممل شويه .. لكن أعتقد إن المانيوال افضل كتير من حيث الاداء ... وطبعا في الاستهلاك ..لأن متوسط استهلاك الاوتو في رينج 8 لتر لكل 100 كم
الاتزان و الثبات مقبولين وأحسن من عربيات سيدان كتيره لكن مش زي العربيات الهاتشباك ...
وده ناتج من كبر قاعده العجلات في الطول و العرض و الخلوص مش كبير 16 سم ... لكن ارتفاع السقف والكراسي أكيد بيرفع مركز الثقل ....
الاوبشنز التقليديه متوفره ... لكن مواصفات الامان زي أي عربيه كوري ... مفيش
ولولا قانون المرور كانو شالو الحزام ...
وأحسن ميزه فيها اني عمري ما حسيت بالتعب من السواقه حتى لما سافرت شرم رايح راجع ptmnlo123per154
من الاخر هي عربيه عمليه و مريحه جدا جدا ... الي درجه الملل ... ptmnlo123per1127
حتلاقي كتير مبيحبوش الماتريكس ... خصوصا اللي مجربوهاش
وبإعتباري أحمد ملاكها ممكن أكون منحاز ليها ... لكن طبيعي يكون أي واحد مقتنع بالعربيه اللي معاه
و العبره بأحتياج كل واحد و متطلباته من العربيه
__________________
من تواضع لله رفعه The ultimate car would be designed by Italians engineered by Germans built by Japanese &
|