[Hisham.Elgazzar]

المشاركة الأصلية كتبت بواسطة حسام البورسعيدى على فكره الاستهلاك كده مش وحش .. ومعتقدش ان ده بسبب مشكله فى العربية .. المشكله اعتقد فى نمط سواقه حضرتك .. حاول تكون سواقتك اكتر سلاسه وانقل الغيارات فى مواعيدها صح .. ولا بدرى اوى ولا متاخر اوى .. الفيصل فى استهلاك العربية للبنزين هو مقدرا الضغط على دواسه البنزين .. يعنى خليك عارف ان كل ما تدوس بنزين اكتر انت كده بتحرق كميه بنزين اكبر .. فحاول تتدرب على السواقه بسرعه معقوله باقل دوسه بنزين ممكنه .. جرب الكلام ده واكيد هتلاقى فرق باذن الله .. ممكن كمن تكون بتحسب الاستهلاك وانت كنت بتمشى فى الزحمه جوه البلد .. وطبعا الزحمه بتخليك ماشى بسرعات قليله او تقف فى اشارات لفترات طويله نسبيا . طبعا كل ده والعربية دايره وبتحرق بنزين ولكن مش بتعد كيلوات كتير .. علشان كده ممكن تلاقى نفسك حرقت 20 لتر فى مسافه 160 كيلو فقط .. على العموم الاستهلاك المتوسط بالنسبة للانوس جوه البلد المفروض يكون فى حدود 180 كيلو فى الصفيحه (20 لتر) .. وعلى الطريق فى حدود 200 - 220 كيلو فى الصفيحه .. طبعا ده كل مع اسلوب سواقه عادى مش سرعه وحرق ولا هادئ اوى برضو ...

تعقيبا على كلام الأستاذ حسام ، انا كنت شغال على 92 بس لاحظت انه مش بيعمل مسافات زى ال90 او ال80 ده كمان الزحمة اللى على طول فى البلد مش بتخلص يادوب اطلع من ميدان مقفول أدخل على التانى لدرجة انك ممكن تاخد الطريق من مصر الجديدة لمدينة نصر فى أكتر من ساعتين ، ولو العربية فضلت تجرى ساعتين على الطريق ممكن تحرق أكتر من 20 لتر بنزين عموما من 160-140 فى الصفيحة جوا البلد حلو أوى ، المهم تكون حساسات الموتور شغالة كويس ومفيش أى عطل
تقبلوا مرورى