رد: الرحله المرعبه فى الآجواء المتربه !
توصل بالسلامه يا دكتور .. ونشوف حضرتك على خير بإذن الله
وبخصوص الطيران ... فبرغم سفري القليل جدا بالطيران الا ان تجربتي مع البوينج خلتني محبهاش برضو
خصوصا انها كانت اول سفر بالطياره ليا و انا في سن ادراك
كنا طالعين من القاهره للأقصر بس كانت الرحله حتكمل على فرنسا بعد كده لأن اغلب السياح الفرنسيين بيحبو الاثار وبالتالي بتكون اغلب رحلاتهم لمصر من مطارات الاقصر و اسوان
المهم الطياره كانت بوينج كبيره وزحمه والطيار مشي لحد اول ال Run way ووقف و كلبش الطياره في الارض و فضل يرج فينا و يهز في الطياره في مكانها ... فكرني بفيلم Back to the future لما مايكل جي فوكس كان مثبت الديلوريان في الارض و عمال يحرق في الكاوتش و العربيه واقفه في مكانها ...
فتقريبا الطيار كان بيعمل حاجه زي كده ... كان مفرمل العجل و عمال يحرق في المراوح ويرج فينا ... واحنا اساسا لسه على الارض ... امال حيعمل ايه فينا فوق !!!
المهم بعد لحظات كأنها الدهر ابتدت الطياره تتحرك والرجرجه مستمره برضو وامي قالت دي حتنفجر نزلوني ... وانا حبيت اطمنها فقلت لها متخافيش دي شكلها مش حتقوم من على الارض اساسا ....
المهم الرجرجه قلت و الفيل طااار ...
وفضلت تطلع لفوق لفوق واول ما استقرت في الجو مفيش دقايق و ابتدت تنزل تاني لتحت ... اتارينا وصلنا مكملناش نص ساعه طيران !!
لكن فضلنا بعدها حوالي تلت ساعه نلف في دواير ... اللي يقولك المطار مشغول مفيش ران واي فاضي و اللي يقول الطيار بيحرق جاز علشان الطياره تقيله ..( يعني هو كان لازم يفول من القاهره .. ما كان يحط له 70 - 80 لتر على اد المشاور و خلاص )
انا قلت بعد الشقلبه دي حننزل رزع على الارض لكن الحقيقه ان الاندنج Landing كان ممتاز ... واسمع انهم يقولو ان الطيارين المصريين احسن طيارين في الاقلاع و الهبوط Take off & Landing
واحنا راجعين كنا راكبين ايرباص صغننه من مطار اسوان .. حاجه تانيه خالص ...خفيفه و سلسه .. اصلا الطيار موقفش على اول الران واي اخد زي يوترن بسرعته و قام مزود سرعه وطاير في الجو على طول ..
علشان كده محبتش البوينج الكبيره ...
اسف للاطاله ..
وتوصل بالسلامه يا دكتور
مع تحياتي
اميــسام رامــبو شان
__________________
من تواضع لله رفعه The ultimate car would be designed by Italians engineered by Germans built by Japanese &
|