رد: حاجه هتجنني
عندك حق والله فى كل كلمة قلتها
لكن هى مسالة مرحلة عمرية
انا كنت من هواة الجرى وسرعات عالية على طريق السويس
لكن من كتر ما شوفت حوادث وطلعت ناس ميتة من العربيات خلالالالالالالالالالالالا لاص عقلت
وبمشى على اقل من مهلى وخصوصا لو الاولاد معايا
انا اخويا اتقلب بالعربية موديل السنة على طريق الغردقة راس غارب بسبب كاوتش
واما ربنا شفاة واول اسبوع يروح شغلة اتقلبت بية العربية تانى على نفس الطريق سبحان الله بسبب كاوتش
ومينى باص الشغل بتاعى اتقلب على طريق مصر اسماعيلية كان رايح رحلة يوم واحد وكان جوة الاتوبيس
زوجتى واولادى
الاتنين
وابن اخو زوجتى
وامى
واخويا
وزوجة اخويا
واولاد اخويا الاتنين
وسبحان الله موقف لا يوصف اما رحت المستشفى مبقتش عارف اواسي مين ولا مين
وكان اخطر حالتين فى الحادثة عموما هما امى وابنى الكبير
وبعتو ابنى الى مستشفى الجامعة فى الزقازيق
بقيت اروح اعد معاة شوية وارجع العاشر من رمضان اعد مع امى شوية
ربنا ما يوريها لحد
خلاصة الكلام كل حاجة مقدرة بامر الله لكن مفروض نعمل اللى علينا وصدقونى المشى بالراحة فى حد ذاتة متعة والله
وعلى فكرة انا كمان اتقلبت بية عربية بيجو على طريق الروبيكى بسبب كاوتش بس مكنتش انا اللى سايق وحظرت السواق قبل العربية ما تتقلب بكيلو واحد وقلتلة خف شوية عشان الفردة بترج جامد وكان ردة طبعا اللى انتو عارفينة
والحادثة دى اثرت فية نفسيا مش اقل من سنة فضلت مركبش عربيات فترة كبيرة
ربنا يسترها علينا جميعا
|