[hazem_khidr]

اه طبعا
بصراحه يوم ما مسكت فيها السخونيه ولا حبوب نافع معاها ولا لبوس ptmnlo123per145
و الحميات ما رضتش تقبلها
بقيت عاوز ارميها في الميه و اخلص منها
و بقيت بلعن اليوم اللي ركبتها فيها
لكن اللي خلاني اضايق منها موقف عملته مع اخويا الصغير
خارج و بيتصل بيا قالي العربيه وقفت
نزلت روحت له و دورت لقيت سلك طالع المفروض فيه فيشه و طالع بيركب في فيشه الاسبراتير
السلك دا اتقطع من الفيشه فطبعا العربيه ما وصلهاش كهربا
بقيت مقلق منها بقي و قرفان و مضايق و قولت مالهاش امان للسفر تاني
و الحمد لله بعد الموقف دا بحوالي اسبوع اللانسر جات قصادي
عملت استخاره تلات ايام لقيت ربنا مسهل في الموضوع و قلبي ارتاح لها
و الراجل منزل من تمنها 3 الاف جنيه مع انه ما بينزلش مليم من عربيه
و اشترتها قبل ما ابيع السويفت علشان ما اخسرش فيها
بس ربنا ما يوريكوا لمه التجار علي الواحد علاوه علي القرف من العربيه
انا مسامح في تمنها بس علشان شويه الشغل اللي فيها و اللي عرفتهم ليه قبل ما يشتري
و اللي انا كنت مكسل اعملهم و مش عاوز اصرف اكتر من اللي اتصرف.