[jojojojojo]

السلام عليكم اولا انا اولا من المنصوره كنت ماشي النهارده من عند الاستاد منطقه عندنا في المنصوره وبخد ملف لقيت واحد بموتسيكل دخل فيا من عند الرفرف وكان جي بكل سرعته المهم نزلت الاول اطمن علي الراجل والحمد لله كانت سليمه توقعت انا الرفرف هيكون معدش ينفع المهم وديه كانت مفاجاه بالنسبه ليا ان ملقيتش اي حاجه في العربيه فضل ونعمه طبعا من ربنا فعلا يا جماعه عضم الصني فعلا جامد جدا يعني انا مثلا تخيلت كده ولو انا معايا اكسنت او النترا الجديده كان زمان بعد الخبطه ديه رفرف بدون تفاهم بس فعلا العربيه ديه محترمه جدا رغم انها جايز مفيهاش اوبشن كتير زي عربيات تانيه بس فعلا عربيه محترمه في المضمون كهيكل كعفشه كمكنه انا بس بنقل التجربه والله بكل امانه وع فكره انا كنت مشغل الكاسيت علي القران عشان كده ربنا اقدر ولطف فعلا والله يا جماعه مفيش احسن من القران في العربيه بلاش لاغاني ولا بتاع سبحان الله ربنا بيحفظ الانسان واقبل متركب العربيه ياريت تقول توكلت ع الله وان شاء الله ربنا يحمينا جميعا شر الحوادث