عمار يا سيراتو مصر
أمس و بعد رحله مهلكه من القاهره للخبر ! نزلت فى فندق كورال انترناشيونال ( 5 نجوم ) !
و لآنى كنت مصدع جدآ و موش عارف أنام ! نزلت أتجول حول الفندق مساء و وجدت معرض
توكيل كيا ملاصق للفندق ! و الحق يقال وجدت جميع أنواع كيا بالداخل بريوس و أوبتيما و كارينز
7 كرسى و كرنفال و ريو و أنواع أخرى لا أذكرها ! لكن أنا تركيزى كان على السيراتو !
وجدت سيارتين فقط ! واحده مانيوال و الآخر أوتوماتيك ! ابتديت بالمانيوال لقيتها جنوط 15 و فرش
قماش أى كلام و راديو كاسيت عادى جدآ و زرايره مخلعه و كونسول مهبب و الجنوط عاديه جدآ
و الفرامل الخلفيه طبله ! طبعآ انزعجت جدآ و جريت على الآوتوماتيك لقيتها نفس الشىء من
ناحية الجنوط و الفلرامل و الفرش و لكن الراديو سى دى يشبه اللى فى مصر بس موش هوه
و معمول أسود ناشف و كذلك الكونسول أسود ناشف و مجرى عصاية الفتيس واسع و ممكن
تحط صوابعك العشره فيه !! استغربت جدآ و ذهبت للبائع و كان شاب لبنانى ! و كان بيبيع
سياره لآثنين سعوديين ! قلت له أمال فين الهاى لاين ؟ قال لى يعنى ايه هاى لاين ؟ قلت له
جنوط 17 و فرامل ديسك أمامى و خلفى و مفتاح الكترونى و زرار ستارت ! قال لى باستنكار لئيم
و مين اللى قال لك عليها دى ؟ قلت له دى مرطرطه عندنا فى مصر و شغالين بيها بتوع الدليفرى !
عموما بكام الآوتوماتيك دى فقال لى ب 52000 ريال ( يعنى 77000 جنيه مصرى بدون الجمارك ) !
فقلت له مافيش تخفيض فقال لى صعب تخفض فى موديل 2010 و انت لسه فى 2009 !!
قلت له أمال فين موديل 2009 ؟؟ فقال لى خلصوا من زمان !!
فهل يعنى ذلك ان موديل 2010 زفت ! أم بيحلقوا للناس فى السعوديه أم فعلا لآول مره فيه وكيل
محترم فى مصر ؟؟ و عمـــار يا مصـــر !
Dr. Bolbolanptmnlo123per122
|