[M.TONSY]

المشاركة الأصلية كتبت بواسطة تامر ديزل +1 صح كده يا تونسي بس عاوزين نستردها من كل اللي سرقوها ... مش المجلس لوحده اللي مدان .. فيه مجموعه اسمها الكذابين المتحدين ادعوا انهم اللي صنعوا الثورة والشعب كان بيتفرج عليهم وما عملش حاجه ولا يستحق الثورة ( ده كلامهم ) وكل كلامهم الثورة دي بتاعتنا والشعب خذلنا والشعب ما وقفش معانا في الانتخابات .. دول كمان من حرامية الثورة و لازم يعرفوا حجمهم .. وده اللي ناس كتير برده نازله تعمله ..غير ان فيه ناس نازله مخصوص علشان تحمي البلد لو حصل اي مشاكل

ايوة يا تامر وانا نازل مخصوص لامثال البرادعى واتباعه من الحركات اللى ظهروا حلو على حقيقتهم ونازلين يعملو تحالف علشان يقفوا قدام الاسلاميين نسيوا انهم لولا الاخوان ما كانتش الثورة دى عاشت يوم

المشاركة الأصلية كتبت بواسطة تامر ديزل لكن لو الاستاذ فارس يقصد نصف الكوبايه المليان .. فالبلد كسبت ان حسني وابنه ووشلة من الحرامية الكبار غارو ا ف داهية .. انا شخصيا اول مرة اروح احط صوتي في الانتخابات من غير ما اتعرض للاهانه كالعاده ... وفيه مجموعه من الناس كانوا ف المعتقلات وافتكرناهم ماتوا هناك رجعوا بعد الثورة بشويه بس ده اللي فاكره .. مش عارف دول يملوا نص الكوبايه ولا يا دوب نقطتين في اخر الكوبايه

ان معاك ان دى مكاسب بس مش هى دى بس انا اهم مكسب وساعتها اقول ان الثورة نجحت بجد ان المصرى ميبقاش متهان جوة بلده يعنى متبقاش عشته نكد من ساعة ما يصحى ويركب المواصلات ويقف فى طوابير العيش والانابيب والبنزين ومفيش تعليم ولا بيتعالج نفسى كل ده يتغير ساعتها تبقى الكوباية مليانة خير بجد