بالنسبة للسؤال الاول الحكمة انك تشيل رجلك بالراحه من الدبرياج علشان العربيه مترجرجش معاك وكمان تحافظ على اسطوانة الدبرياج وفى بعض العربيات المانول لما تشيل رجلك بسرعة من الدبرياج بتلغبط معاك وتحس ان العربية متعفرته وتضر تهدى وتنزل غيار وتطلع تانى علشان تصرف العفريت
اما السؤال التانى لو جبت d العربية هتمشى فعلا من غير ما تدوس بنزين بس هتمشى ببطء لكن لو انت كنت بتذود لها بنزين قبل ما تجيب ال d يبق العربية هتمشى معاك بسرعة لان الموتور بداخله طاقة التذويد اللى هى لسه مخرجتش فهتخرج لما انت تديها ال d
والكلام ده مع اى غيار موش ال d فقط
لو عاوز ترجع من ال d للغيار 3 لو انت ماشي على طريق سريع والعداد جايب اكتر من ال 100 يبق لازم تهدى لغايه 70 مثلا وبعد كده تديها ال 3 علشان العربية متتخنئش منك
لكن لو انت فى وسط البلد وماشى بطئ عادى ممكن تديها ال 3 من غير اى مشاكل ولا حتى تهدي
