المشاركة الأصلية كتبت بواسطة tonsy1979
انا هشترك يوم 25 ان شاء الله بس علشان نفكر المجلس العسكرى بان الشعب خلاص طفح الكيل بيه على الاخر من التواطئ ضد كل شئ قامت الثورة من اجله والمحاكمات الفاسدة لرموز الفساد والاسعار المولعة والمرتبات الهزيلة اللى مش قادرين يوصلوها حتى للحد الادنى للحياة الادمية والمتاهات اللى متوهنة فيها زى الانابيب والبنزين وكل حاجة معيشنا فيها زى الزفت
نازلين علشان نقولهم كفاية خربتوها ودينتونا وخربتو بيوتنا وياريت يمسكها رئيس مجلس الشعب مؤقتا لغاية انتخاب رئيس للجمهورية ... نازلين نقولهم حرام كفاية مش نولعها ولازم نحميها من كل حد عايز يخربها لازم انزل علشان دم الشهداء مايضعش وعلشان الثورة متتسرقش ولو تسرقت نستردها بالقوة علشان مستقبل ولادنا ما يضعش ويعيشوا ايام احسن من ايامنا  |
انت عايش فى مصر من زمان يا استاذى الفاضل ...
ازاى يعنى مصر حالها يمشى مع كل هذه الاضرابات و الاعتصامات و هروب المستثمرين بسبب حوادث التخريب ازاى المرتبات تزيد يا فندم و الاقتصاد بيضيع ...
تفكر مين بأيه ؟؟؟؟فكر الناس ان فى بلد حالها واقف و اقتصادها بيضيع فكر الناس ان المصريين مش التحرير و العباسية و مصطفى محمود ..
انا واحد اشتركت و هشارك فى مظاهرات بس يكون ليها جدوى ليها نفع ..
لكن مصر بدأت تستقر اطالب انها تتعوج تانى و افكر فى حلول بديلة و الانتخابات الرئاسية قدامها شهرين...
حضراتكوا مش بتبصوا على نصف الكوباية الفاضى لاء.. مش شايفين الكوباية اصلاً ...
ابقى فكرنا نفكرك بنتيجة التهييج ده ايه
تحياتى