رد: زيرو ( لانوس ولا فيرنا ولا لوجان )
بص يا بشا علشان مبقاش بضحك عليك و تيجى بعد كدة تدعى عليا .
انا راجل لوجناوى و ركبت الشفرليه لانوس و مفيش فرق كبير بين العربيتين غير العلو عن الأرض .
هو عامة اللوجان افضل بس قطع الغيار غالية و مولعة و متصدقش اللى يقولك موجودة فى مكان كذا و كذا الخ...
انا مش بتكلم على الفوانيس و تيل الفرامل و الحاجات الهابلة دى انا بتكلم على الكبالن و الأبواب و الجير بوكس و العفشة و الكلام دة كله مش موجود خارج التوكيل لأن انا ليا واحد جارى معاه لوجان و اتقلبت بيه و داخ بيها و فى الأخر عملها فى التوكيل و بتكلفة عالية جدا .
انما الانوس قطع الغيار برخص التراب و عند البقال يعنى عندك الموتور بالكامل استعمال خارج ميزدش عن 1200 جنيه مع ان اول صيانة للوجان فى التوكيل بتتكلف 450 و طبعا كل 10 الاف كيلو بتزيد .
يعنى الانوزس هتبقى ماشى مطمن و قلبك جاند اكتر من اللوجان لأن انا لغاية دلوقتى بحسس عليها و مبعرفش اكبس فى الزحمة بسبب موال قطع الغيار دة .
|