[الصقر_الجارح]

السلام عليكم

والله أنا شايف إن اللانوس مناسبة من ناحية كل حاجة, مش لاني معايا لانوس, بس فعلا جميلة من ناحية:

موفرة جدا في البنزين, وعملية, وتستحمل, وكماليتها حلوة بالنسبة لسعرها, وقطع غيارها تجيبها من البقال, وسعرها فيها لما تيجي تبيعها مش زي اسبيرنزا مثلا, وكشكل جميلة برضو.

هو بس يمكن عيبها في حاجة واحدة إنها ضيقة حبة من جوا لو هتجيبها للعائلة عدد أفردها فوق 5 بتحس انها ضيقة حبتين.
غير كده عربية ممتازة من ناحية كل حاجة.
وأنا معايا مشتري لانوس داخلة على الــ 7 شهور ومريحاني بصراحة مشوفتش منها حاجة وحشة.
اللوجان حلوة بردو بس عيبها قطع غيارها غالية.
الفيرنا بسمع انها خفيفة ومش ثابتة على الأرض, لأن متورها أقوى من البودي بتاعها, وأصحاب الفيرنا يفيدوك أكتر.

تقبلو تحياتي