[wawoo]

المشاركة الأصلية كتبت بواسطة mainz يا سيد واوا انا مش معاك خالص فى الكلام الى انت حضرتك بتقوله انا عايش فى المانيا وعارف كل ما يجرى فى المجتمع الالمانى على اساس انى مواطن من المجتمع جريمه القتل اخدت صوره مضخمه على اساس ان الشهيده قتلت فى وسط المحكمه وفى حضور القضاه والشهود والامن غلطان الى بيقول ان ماكنش فيه امن هو طبعا فيه امن وحراسه حتى على الاقل شرطى واحد داخل المحكمه واثنان انضباط خارج المحكمه وفى الاغلبيه بيكونوا مسلحيين وده واقع حقيقى انا بعيشه وبشوفه كل يوم

و لما حضرتك بتعانى كدة و تعبان قوى من الحياة فى المانيا , و حقوقك مهضومة و مش قادر تعيش فى امان و سلام و مش قادر تمارس دينك و حياتك طبيعى فى المانيا , اية اللى جبرك على انك تستمر انا مش فاهم .

يا سيدى الالمان شعب عدائى و يكهر الاسلام و المسلمين كره العما , انت بتعمل اية هناك , اية اللى غصب على حضرتك عشان تستمر فى وسط هذا المجتمع الظالم الفاسد المتطرف .

لية مستمر فى الحياة هناك و انت بتعانى كدة , انا مش فاهم الحقيقة

طيب ما تترك البلد يا اخى لو انت عندك كل المشاكل دى , لما هى بلد سئية كدة و بتعامل المسلمين وحش , اية اللى جبرك على الاستمرار فيها .

ولا انت عاوز تغير الشعب الالمانى كلة ولا انت عاوز تربى الشعب الالمانى من جديد .

و بعدين اية نغمة لو كان حصل عندنا لو كان حصل عندنا .
طيب مهو حصل عندنا فعلا , مئات السائحين اللالمان و غيرهم قتلو على ايدى ارهابين فى مصر و فى طبا و فى الاقصر ,

للاسف انت تطلع كل غضبك و حزنك على الشعب اللمانى كلة , و هو براء من هذة الجريمة لانها جريمة فردية زى ما قولتلك .
و عشان تاخد فكرة ازى هما بيزعلو و بيتاثرو لما حد منهم يموت او يصاب فى حادث اجرامى او ارهابى عندنا .

يعنى مسمعناش مثلا فى فرنسا ان البنت اللى عندها 16 سنة اللى ماتت فى حادث الازهر الاخير انها شهيدة و انها راحت ضحية تعصب اعمى , او قامت مظهرات و اعتصمات فى باريس للمطابة بحقها و دمها و القصاص و الكلام الكبير اللى حصل دة .
دة اللى حصل العكس الجانب الفرنسى تفهم ان دى جريمة فردية , بعدها استمرت الوفود السياحة فى التدفق و حتى منهم مجموعة راحت الازهر تانى عشان تظهر حسن النوايا .

انما احنا لو حصل لينا حادث مماثل , و الضحية مسلمة تقوم الدينا و متقعدش , و مظهرات و مهطرات ملهاش اى لزمة .
و كاننا احنا حماة الاسلام و المسلمين فى العالم .

انا متعاطف مع الضحية مافيش حد يقدر يشكك فى كدة , لكن ان الموضوع يتحول لجهاد قومى و شهيدة مناضلة , و كلام كبير من دة , اسمحلى حضرتك كل دة مش حيوصل لنتيجة , كل اللى حيحصل ان القلوب حتتملى غل و حقد ملوش اى مبرر , و هو ضد كل مبادئنا عن التسامح و عن العفو و عن المغفرة .

المجرم حياخد عقابة وفقا للقانون الالمانى و القصاص العادل حيحصل , لكن اننا ننشر العداء و البغضاء بين الشعوب و بين الاديان و بين الدول لمجرد حادث فردى , هو دة اللى مرفوض جملة و تفصيلا .

و صدقنى لما تقعد مع نفسك كدة و تهدى كدة حتكتشف الحقيقة دى .