معلش ياجماعة بس من اسم الموضوع , طبعا أي حتة فيها الكويس والوحش بس الموضوع ده انا لاحظة اوي , انا جايب عربية بقالي حوالي ست شهور قبلها كنت بروح شغلي ومشاويري موصلات , تصدقوا اني ندمت اني جبت عربية , المفروض طبعا انها نعمة الحمد لله عليها , بس للأسف سلوك قائدي السيارات منحط آخر حاجة طبعا مش كل الناس, انا كنت فاكر سواقين المكيروبصات و الميني باص الأخضرررر بس لكن اكتشفت حتى الملاكي وللأسف عربيات شكلها محترم تلاقي واحد بيشتم كأنه راكب عربية كارو, وعلى ايييه حاجات بسيطة جدااا , يعني مثلا انا عديت قبله تلاقيه جه جنبك وزنق عليك وقعد يشتم , انا بطبعتي مبحبش اشتم بس في وضع زي ده لازم اشتم خصوصا اني مش غلطان خالص, انا كنت لما بمشي في الشارع على رجلي وبخبط في واحد غصب عني ديما بنقول اسف , معلش عمرك شوفت اتين بيتخانقوا عشان واحد عدى قبل واحد ؟؟؟؟؟؟؟
المفروض اللي راكب عربية يكون راضي وهادي النفس اكتر من اللي ماشي على رجله وبيتبهدل في الموصلات على الأقل للنعمة اللي ربنا رزقه بيها عن الناس التانية , لكن أبداااااا عمرة ما يعترف انه غلطان عمرة ما يقول انا اسف عمرة ما يعدي حاجة او يراعي الناس تبقى كارثة لو حد قاله انت غلطان او مش بتعرف تسوق كأنه مسه في شرفه , حتى الستات في بداية تعليمهم تلاقيهم هاديين وكويسين اول ما يتقنوا السواقة شوية يااااه على اللي تشوفه منهم غرز وكسر وشتايم بالكلاكس
لاحظتها كدة , انا بحس مثلا ان العربية دي بتخلي الشخص اللي جوه حد تاني ولما يخرج يبقى حد تاني , يعني تلاقيه بيصلي واخلاقه حلوة مع الناس هوووب يركب العربية وتلاقي عدم احترام الناس اللي ماشية
طبعا يا جماعة بقول في الآخر فيه كدة وفيه كدة مش كل الناس بس للأسف نسبة كبيرة , انا بحب اقول دايما الحمد لله الذي فضلني عن كثيرا من عباده, اوعا حد راكب عربية ينسا الكلمة دي ........
