رد: بيرسونا 2012 .. من فضلك أذكر ملاحظاتك عليها
مبروك عليك ان شاء الله ... وربنا يكفيك شر الطريق
سيارات بروتون بقت مشهورة فى السوق بحاجتين اساسيتين ....
1- قوة الموتور والثبات على السرعات العالية .
2- التقفيل السيئ .
فى ناس ممكن تتغاضى عن موضوع التقفيل السيئ وتقول انها مجرد حاجات بسيطة ممكن اصلاحها فيما بعد .
وفى ناس بتقول ده عيب خطير اما الواحد يدفع مبلغ كبير طالع عينه فيه وفى الاخر كل شوية يجرى على التوكيل يصلح عيوب التقفيل وعيوب الصناعة ....
على العموم العربية مش وحشه ابدا .. العربية فيها مميزات كتير واوبشنز اكتر .. ودى نقطة مهمة فى صالحك ان شاء الله ... وماتنساش تكتب كل ملاحظاتك على العربية عشان تعملها فى صيانة الالف كيلو ان شاء الله ...
وسؤال يا باشا .. جبتها بكام ؟
وهل فاصلت معاهم ؟
والدفع والاستلام فى نفس اليوم ولا بتستلم بعدين ؟
والف مبروك
|