المشاركة الأصلية كتبت بواسطة khaled_1993m
السلام عليكم و رحمة الله و بركاته
تحذير لكل مالكي اسبيرانزا اوعوا تدخلوا نقطة ماء واحدة داخل الكبود .
امبارح كنت بغسل العربية و قولت اغسل المكنة عادي يعني زي كل العربيات (و علي فكرة اول مرة هاغسلها) المهم غسلت المكنة و مشيت بالعربية زي الفل فجاة لقيت العربية بترجرج كده اكني حاططلها 80 مثلا و ماشية تكركر و تفصل لوحدها المهم و قفت العربية و فتحت الكبود لاقيت كل حاجة سليمة و ناشفة مفيش حتي بواقي ماء
فروحت لميكانيكي متخصص اسبيرانزا فابحكيله اللي حصل و اول ما قولتله اصلي غسلت المكنة قعد يقولي حرام عليك انت كده بتقضي علي العربية فالمهم في الاخر الحمد لله جت سليمة و اعنا ننشف المية بالهواء في غطاء البوجيهات و فيشة الحساس و الحمد لله ماحصلش حاجة.
فانا لقيت الحل اننا ممكن نرش سبراي و خلاص علي المكنة و خاصة لازالة الزيت اللي بيترسب علي فتحة الزيت و خاصة في الاسبيرانزا مش عارف ليه
واسف علي الاطالة 
|
السلام عليكم
اسمحولي يا جماعه اقول وجهه نظري في الموضوع
اي متور معمول حساب انه يتعرض لاي ميه تيجي عليه ومعزول كويس....الي بيحصل ان كميه الميه الناتجه عن الغسيل بتكون كتير جدا وبتركن في الاماكن الضيقه الي يصعب الوصول اليها.انا بغسل متور عربيتي كل شهر تقريبا او كل 5 اسابيع بس بغسله كما يلي:
1-بتاكد ان مفيش ميه هتدخل على فلتر الهوا(بسد الهوايه باي حاجه)
2-بغلف سرينه الانذار بكيس وبربطها كويس وبسد دخله فيش امباين بتاعه البوجيهات
3-بتاكد ان مفيش اي فيشه هتتقطع او تتهز مع كبس مسدس الميه
4-بتوكل على الله وبغسل ب جاز
5-بغسل ب ميه وصابون عشان اشيل اثار الجاز(لان الجاز زي المغناطيس..لو سبته على المتور هيلم تراب تاني)
6- وده اهم خطوه....انا بنفسي باخد خرطوم الهوا وانفض بيه الفيش كوله الي قدامي وخاصه فيشه المباين العموميه
7-بشغل العربيه وبمشي وسعات نادره العربيه بتقطع شويه بس لما بتسخن بتتزبط لوحدها
وبالنسبه لل اي بي اس انا اعتقد انه مش بيتلف من مسدس الميه لما بنغسل بيه الرفارف لانه معرض كل يوم للميه والطين والوحل والمجاري وكل حاجه....ف مش مسدس الميه الي هيتلفه.والله اعلم
ده كان رايي وارجو تتقبلوه بكل سعه
__________________
اتق لله حيثما كنت...واتبع السيئه الحسنه تمحها...وخالق الناس بخلق حسن
اللهم احسن وقوفنا بين يديك ولا تخزنا يوم العرض عليه
اللهم اغفر لنا ولوالدينا ولمن له حق علينا
