المشاركة الأصلية كتبت بواسطة samirsaber
هو غير الاويل سيل بتاع الباور زي ما قلت هو سعره 10ج واخد مصنعية 60ج
وانا لما رحتله تانى علشان مشكله الباور هو ظبطهالى معرفش عمل ايه (بس انا حاسس بردك ان الباور لسه تقيل شويه) هو جاب كلابه و نزل تحت الدركسيون وتقريبا فك مسمار أو قرط عليه مش عارف بس الباور بعدها فك التقل شويه علشان انا فى الملفات لما بلف الدركسيون المفروض انه يرجع لوحده بسرعة بس هو بيرجع بتقل شويه
لو حد ينصحنى اني ارجعله تانى يقوللى
|
بصراحه انا مش بحب اصلاح اي دوره هيروليك لانها بالضبط عامله زي متور العربيه فيها ضغط عالي وحراره والتاكل بيحصل في ال اويل سييل وفي الاكس الي جواه كمان(تاكل الاكس بيكون بنسبه بسيطه).. زي كده ما تكون بتعمل طقم شنبر بدل عمره .لكن فرق السعر والتكاليف يستاهل طبعا انك تغير سيل
الباور تقيل..طيب هل فيه صوت ورررره او صوت وننه؟ يعني الطلمبه بقا ليها صوت؟ لو ليها صوت حاول تراجع على كل الكوليهات واللواكير والجوايض الي على كل وصلات الدوره وبالذات الي في خط سحب الطلمبه..وحاول تتاكد من مستوى الزيت في الخزنه
وبعدين حاول تغير زيت الدركسيون كله وتغسل الخزنه(سعات بيكون فيها مصفه مسدوده ومانعه الزيت انه ينزل للطلمبه )هتلاقي الدركسيون خف كتير.....عن تجربه
__________________
اتق لله حيثما كنت...واتبع السيئه الحسنه تمحها...وخالق الناس بخلق حسن
اللهم احسن وقوفنا بين يديك ولا تخزنا يوم العرض عليه
اللهم اغفر لنا ولوالدينا ولمن له حق علينا
