بلاش أفيو
وعشان أريحك إنت طلباتك تتناسب تماما مع طلباتي لما غلطت غلطة عمري ووافقت زوجتي إنها تجيبها
لو إنت اخرك 100 فزوجتي بعد 3 سنين سواقة عالعربية دي لسه بتجيب الرابع من إسبوع وكل مشيها كان 60 يوم ما بتجري بالعربية
السيارة قذرة بكل ما تحمله الجملة من معاني
سحبها كويس كعربية 1500 سي سي
ثباتها مش بطال معقول
عالية جدا عن الأرض وفعلا مبتحكش في أي مطب
أوسع عربية في مصر بعد النيسان تيدا والكارينز
قطع غيارها رخيصة مع إرتفاع بعد أسعار قطع الغيار بصورة مبالغ فيها
طنابير 850 جنية من منصور
ريدياتير ب2600 تقريبا حاجة كده
العربية اللي مع زوجتي مانيوال كوري موديل 2009 الإستبن مخرجش من مكانه عاملة 36 ألف كيلو عشان محدش يقول العربية مهلوكة
العيوب التي ظهرت تباعا
السماعات كلها من أردأ الأنواع أفتكر لو لسه ال128 بتنزل جديدةة مش هيحطوا فيها السماعات دي السماعات بتطقطق جامد جدا لما بتعلي الصوت
التكييف عند تشغيله بيقلل من عزم العربية بشكل ملاحظ جدا
التكييف خرجت منه ريحة غريبة ومش لاقيلها حل
الرفارف تصميمها غبي وتقفيل العربية غبي لدرجة إن أي حد بيسند عالرفرف الأمامي يمين أو شمال بيتحرك من مكانه والباب بيدأر فيه وده كارثة فبضطر أحط مفك في الشنطة وكل ما أجي أركب العربية بعد ما أركنها أجيب المفك وأعدل الباب والله لو زيستافا ما هعمل كده
مشاكل كتيرة في الخامات بتاعة العربية اللي بتثبت فعلا إن الكوري مش بالجودة المطلوبة
عداد الRPM بيرفع لوحده بدون سبب ليصل إلى 2500 لفة في الدقيقة ومنصور كله بجلالة قدره ملقاش للمشكلة حل وكل مهندسينه متخيلين إن ده شئ طبيعي
صوت تزييق ملوش مثيل
ربنا كرمني وركبت كل أنواع العربيات مسمعتش زيه وبرضه الصوت ده ملهوش حل نهائي لحد دلوقتي
تزييق في عفشة العربية جبار
المشاكل اللي فوق دي لو كان ليها حلول كنت قلتلك هاتها
بس فعلا ملهاش حل
يعني البيرسونا والجين تو عيوب تقفيلهم اكتر من دي
بس الإتنين دول مع اول صيانة التوكيل بيظبطلك كل ده والعربية بتبقى كويسة جدا
إنما في منصور الوضع مأسوي ملهوش حل
نصيحة مني بلاش أفيو وبلاش مستعمل لو عاوز تريح دماغك
وبلاش أي عربية من وش منصور