فعلا معلومة مفيدة جدا.
بس إنتا متأكد إني عربيتك إتنين لتر بس لزيت الفتيس.
هيا مانيوال ولا أوتو؟
إتأكد من الكاتالوج من كمية الزيت لأني لا أعتقد إنه أقل من 3 أو 4 لتر.
وموضوع إنه قليل دا غير وارد غير إني يكون عندك تسريب لأني الزيت مابيخلصشي لا دا بيتحرق ممكن يتحل ويبقى سايب ممكن يبقى وسخ وفيه شوائب كتير لاكن يخلص دي جديدة أرجو الكشف عن وجود أي تسريبات.
هل غيرت فلتر زيت الجير الي في الكارتيرة بتاعت الجير بوكس ولا لأ؟
لو غيرت الزيت ليه بالمرة ماتغيرشي الفلتر أضمن وأسلم.
على فكرة كمية الزيت الي هتضيفه تختلف حسب طريقتك لتفريغ الزيت من الكارتيرة ياعني لو بس صفيته تصفية رأسية أو لو إستخدمت الشفط في تفريغ كامل الزيت.
لو عربيتك أوتو زي ما أنا متوقع يبقى لما تزود الزيت ولحد ماتحس إنه إتملى للآخر دور العربية وغير قدام وورى وهيا مرفوعة عن الأرض وسيب العجل يتحرك وجير بوكس يدور هتلاقي مكان فضي تاااني وكتير كمان هتزود بقيت الكمية الموصى بها في الكتالوج أو لحد علام مقاس الزيت على المقاس الخاص بزبت الجير.
ألف مبروك على الزيت وإنشاء الله تكون كل حاجة مزبوطة.