المشاركة الأصلية كتبت بواسطة esam_ayad
ألف مبروك علي العربيه.
بس ياريت لو تكتبلنا انطباعك عن العربيه من ناحية العزم والطلعه الأولي وهل الموتور مرتاح علي الجسم بتاع العربيه ومصروف البنزين وتحملها لمطبات مصر.لأنك هاتاخد ثواب كتير جدا بمساعدة الناس اللي عايزه تشتري العربيه الرائعه دي.وكله في ميزان حسناتك ويجزاك الله خيراً عن أي واحد انتا هاتفيده بكتابتك موضوع عن عربيتك.وشكرا
|
العربية ممتازة ولكن يجب تقيمها تقيم خاص ليس بمنظور باقي العربيات
اولا استهلاك البنزين بتناسب مع معدل الرفاهية المطلوبة منها يعني
علي سرعة 90 بدون تكييف معدل الاستهلاك 6.5 لتر/ 100كم اي حوالي 300 كم في الصفيحة
علي سرعة 120 بالتكيف معدل الاستهلاك9.5 لتر/100كم اي حوالي 200 كم في الصفيحة
علي سرعة 160 او ازيد بالتكيف معدل الاستهلاك12.5 لتر/100كم اي حوالي 160 كم في الصفيحة
داخل المدينة لو زحمة جدا معدل الاستهلاك14.5 لتر/100كم اي حوالي 140 كم في الصفيحة
داخل المدينة لو عادي معدل الاستهلاك12 لتر/100كم اي حوالي 165 كم في الصفيحة
بالنسية لحركة العربية من الثبات تحس انها زي العربية النقل المحملة يجب ان تصبر علبها شوية وتدوس بنزين اكثر شوية وكمان تحس بيها في الكيك داون لو عايز تشد بيها بسرعة ولكن مع التعود معاها متحسش بالفرق ده
الفرامل فيها فوق الممتازة يدوبك تتش خفيف تلاقي العربية لمت نفسها ووقفت علي مسافات قليلة لم اكن اتوقعها
الثبات فوق فوق الممتاز
العزل رهييب لاتسمع اي اصوات خارجية
العفشة ناعمة جدا مع المطبات لو مظبط ضغط الكاوتش مظبوط
الرفاهية فيها عاليا تحس كانك راكب عربة ملوك
واي سؤال انا في الخدمة