السلام عليكم
انا نويت يا جماعه باذن الله اشترى عربيه جديده و تكون عربيه العمر ان شاء الله...يعنى انى مش حفكر ابيعها و انها تكون مناسبه لسنين قدام ان شاء الله بين الموديلات الجديده اللى ممكن تطلع بعد كده....الحقيقه انا فكرت فى المرسيدس سى 180 الجديده و كنت محتار بينها و بين البى ام اكس 1....بس بصراحه بعد ما قريت عن امكانيات الفولفو الجديده ال V70 بدون تردد اخترت اشتريها خصوصا انا اصلا راكب فولفو 240 و عارف متانه الفولفو يعنى ايه....بس انا خايف من حاجه قلقانى جدا .... و هى صيانه العربيه ....الخدمه فى التوكيل الجديد ( عز العرب) اخبارها ايه؟ و هل قطع الغيار اسعارها فلكيه؟ يعنى مثلا لو حغير تيل فرامل لازم اغير معاه طقم سنسورات و كده و ادخل فى ألوفات كل شويه و لا ايه ...و حد يا جماعه عنده فكرة عن الخدمه فى توكيل عز العرب كويسه و امينه و لا لاء؟ و برضه ياريت حد يفيدنا قبل ما اشترى العربيه....و لكم جزيل الشكر
