رد: حلقات (جريمة كل يوم) ألغاز بوليسيه مسلسلة
الحلقة 19
///////////
أحمد كار وموقف محرج جدا
************************
أحمد كار صديقى العزيز كان يقود سيارته الفيرنا قبل ان يتوقف أمام أحد المطاعم لتناول وجبة الغداء على غير عادته !
وبينما يتناول الغداء اذ به يسمع جلبه شديدة بالخارج 00
بعدها وجد أحدهم يتقدم نحوه ويساله ان كان صاحب الفيرنا التى بالخارج فأجاب بأنه صاحبها قبل ان يصطحبه الرجل للخارج وهو لا يفهم ماذا يحدث!!
كان هناك سيده تدعى ان هناك من سرق حقيبتها من السيارة الفيرنا وقد نست ان تغلقها بالريموت ولن يخرج عن أحد ثلاثة من أصحاب السيارات التى تحيط بسيارتها!
وكانت منهم سيارة أحمد!
شعر صديقنا بحرج شديد00
قبل أن يحضر النقيب جوهر للمعاينه وسؤال المشتبه بهم على أرض الواقع وبعد التفتيش عن الحقيبة فى السيارات الثلاث لم توجد!
وبسؤال أحمد أجاب:
-انا كنت حضرتك بتغدى فى المطعم وقعدت حوالى ربع ساعة قبل ما اسمع صوت بره المطعم 00وجه واحد خدنى لبره عشان نشوف ايه الموضوع!
-يعنى انت متحركتش من المطعم
-ابدا
وبسؤال حشمت صاحب السيارة الفيرنا الثانية:
-أنا سعادتك بقالى حوالى ساعة فى المطعم بتغدى ومعرفش ايه اللى حصل الا لما طلبونى
-مخرجتش بره المطعم
-رحت أجيب سجاير خمس دقايق ورجعت
-جبت سجاير منين
-من كشك على الناصية
-آه
-مرحتش حته تانيه او أتأخرت عن كده
-أبدا
-ممرتش على العربية
-خالص
-ملمحتش حد وانت بالخارج بيحوم حوالين العربيه بتاعت المدام
-أبدا
-طب لما جبت السجاير ورحت عند عربيتك وفتحتها مكنش فيه حد واقف؟
-الصراحة مشفتش حد
وبسؤال عزيز صاحب اللانسر التالته قال:
-انا سعادتك بقالى حوالى نص ساعة او أكتر شوية فى المطعم
ومخرجتش الا عشان أتأكد من ان العربية مقفولة ولا لا
دست على الريموت ودخلت من على الباب على طول
-يعنى مرحتش ناحية العربيه
-لا سعادتك
-طب لما بصيت عليها مكنش فيه حد حواليها
-مشفتش حد
-طب لما رحت لعربيتك لما خرجت ملاحظتش حاجة
-قلت لسعادتك انا مرحتش قفلتها من على باب المطعم
-متأكد
-طبعا سعادتك
وبعد تفكير تبين للمقدم من الذى سرق الحقيبة وبها عشرة آلاف جنيه!!
الى اللقاء فى الحلقة القادمة
__________________
|