رد: هو دة ممكن يكون دة العيب؟
اليكم اخر التطورات
طبعا انا سيبت الميكانيكي اللي قالي روح لبتاع فتيس وكان هيلبسني في الحيط
والمفروض ان الراجل دة والله اكبر ميكانيكي عندنا في المحلة
المهم
روحت لواحد تاني شاب كدة لسة صغير
قلتلة علي اللي فيها طلع معايا علي الطريق السريع وجرب العربية
قول ماطلع بيها لاقاها مخنوقة فضل ماشي بيها وبعدين قرص جامد علي العربية
والمفاجئة بقي
العربية فكت وسحبها بقي افظع من الاول ماشاء الله ههههههههههههههههههههههه
انا بجد ماصدقتش من الفرحة
وبعدين رحنا الورشة ونضفلي فلتر الهوا وقالي العربية دي عربية محترمة ربنا يباركلك فيها والعربية مفيهاش اي حاجة
ومرضاش والله ياخد فلوس وقالي العربية مفيهاش حاجة اصلا علشان اخد فلوس
بس والله من فرحتي عايز اديلة اي حاجة
انا بس حبيت انقل تجربتي علشان مش من اول ميكانيكي نصدق ونروح نعمل اللي قالنا علية
المهم بقي كان نفسي اعرف كان فيها اية وكانت مخنوقة لية
واسف علي الاطالة
|