[0o_MAGIC_o0]

المشاركة الأصلية كتبت بواسطة حسام البورسعيدى انا كنت زيك كده فى يوم من الايام برضو .. وقتلت الموضوع ده بحثا .. والخلاصة ان مفيش اى حاجة اسمها رخصة مؤقته لاقل من 18 سنه .. لازم علشان الرخصة تطلع تتم 18 سنه للاسف .. وبعدين احمد ربنا ان الموضوع دخل دماغك اليومين دول وانت فاضلك مجرد شهور .. انا اتعلمت السواقة تماما وانا عندى 10 سنين .. ومن ساعتها وانا بعد السنين وبحلم باليوم اللى همتحن فيه امتحان المرور واطلع الرخصة .. بس طبعا صبر حوالى 8 سنين حاجة صعبه .. فقررت انى اجازف وبدأت استعمل عربيتى بشكل يومى من اول 16 سنه وبعد مناقشات مع اهلى اللى كانوا بيخافوا جدا عليا من المرور .. وفى الفتره دى اتمسكت حوالى 3 او 4 مرات فقط .. والحمد لله كانت بتعدى على خير وبدون غرامات (الكلام ده فى بورسعيد) ... حتى انا فاكر مره من المرات بعد ما كنت ماشى على الشمال وفجأه لقيتلجنه قدامى ومفيش اى فرصه انى الحق اركن ع اليمين قبل ما حد يشوفنى .. قمت مبطل العربية وعملت كانها عطلانه ونزلت ازقها انا وصاحبى اللى كان معايا .. بس طبعا على مين .. عرفوا فورا انى بمثل عليهم .. وانتهى الموضوع بمكالمه تليفون لواحد حبيبى وسابونى امشى .. الطريف انى بعد ما قعدت امثل ان العربية عطلانه .. قمت مدورها وطيران ههههههههههههه .. عموما اللى انا اعرفه على الاقل عندى فى بورسعيد ان اللى بيدخل لجنه بدون رخصة قياده او معاه رخصه خاصة وسايق عربية اجره بيدفع 50 جنية .. ودى حاجة اعتقد اسمها تصالح فورى .. وطالما الموضوع 50 جنيه يبقى مفيش اى مشكلة .. لما تركب العربية أمن على احلى ورقة بخمسين جندى .. وتخليك لطيف مع المرور فى اللجنه علشان يتعاطفوا معاك لزوم اللجان ربنا يبعدك ويبعدنا عنها .. وده لغايه ما تطلع الرخصة .. بس ده مش فى كل الاحيان وساعات لما الظابط يبقى رخم يصمم انه يسحب رخصة العربية ولما تستلمها من اداره المرور تدفعلك غرامة حوالى 200 - 300 جنية (انا بقولك على اللى بيحصل فعليا مش نص قانون المرور) دى يا معلم خلاصة تجربتى باختصار حبيت اقولهالك بما انى كنت عامل زيك كده فى يوم من الايام ... وعموما حاول تسوق العربية فى اماكن امنه شويه وبعيده عن لجان المرور الكام شهر دول لغاية لما تطلع الرخصة باذن الله تحياتى ....

ياااااااااه 8 سنين انت فعلا صبرت كتير اوى ....

دانا متعلم لسه من اسبوعين و متشوق للسواقه جدا

يا ريت عندى 1/10 من صبرك

انا لو فكرت اطلع بالعربه بعيد عن بيتى ممكن أخلى حد جنبى معاه رخصه و نشتغله فى حوار ... بس يارب منتقفش زي ما حصل معاك دى عالم صايعه برده ...

شكرا يا حسام على النصيحة

المشاركة الأصلية كتبت بواسطة qqoorr والله العظيم انا لما قريت الموضوع ده كأني بقرأ قصة حياتي انا في 3 ثانوي و هتم 18 في شهر 8 و نفسي أطلع الرخصة من بكره

ياااااا رب يصبرنا

المشاركة الأصلية كتبت بواسطة أحمد عثمان محمد أحترس أى حد يقولك أدفع رشوة يبقى عاوز يلبسك فى حيطه و يطلع هو بمصلحة :fun_Whis pering:

جزاك الله خيرا على النصيحه يا احمد

المشاركة الأصلية كتبت بواسطة sayed2077 فعلا على راءى اخويا الكبير حسام البورسعيدى بص ياريس خالاص انت اول ما تركب العربية وتحب تروح مشوار بعيد بس لازم يكون اهلك معاك متكونش لواحدك اعلم اللى انت عاوزه ابوها وامها ايه فى الاخر 50 جنية يعنى مفرقتش من ال50 جنية مقابل انك ترضى رغباتك بس ياريت تحوش ال 50 جنية من المصروف فطبعا مش هتطيق تمسك دريكسيون العربية لانك هتفكر 10000 مره قبل ما تسوق علشان ال50 جنية اللى هتروح من مصروفك على الفاضى هههههههههه وعيش ياريس ولعلمك انا قعدت ال 3 شهور اللى كانوا فاضلين علشان اطلع الرخصه بسوق وبروح فى كل حته وساعات كنت بخرج لوحدى بس كنت بعمل ايه بقفل الموبيل علشان وجع الدماغ من الاهل هيفضلوا بقا يزعقوا وانت معكش رخصه ومش عارف ايه وهتتأفش والمشكلة ماكنش بيبقى معايا 50 جنية حتى اديها للظابط كان معايا رخصة العربية بس طيب تصدق ساعات حتى ماكنش بيبقى معايا رخصة العربية وفضلت الثلاث شهور من دار السلام للمعادى ومن المعادى لدار السلام ومره روحت فيص من دار السلام ومره روحت السيده والحمد لله محدش كان بيقولى تلت التلاته كام بس اول ما طلعت الرخصه بقيت بلاقى الكماين بتطلع من تحت الارض لدرجة انى بقيت قبل ما بمشى بالعربة بربط الحزام علشان ميخدوش ال 50 جنية طيب تصدق مره روحت مع واحد جارى جديد علشان يطلع الرخصه كنت بروح معاه بالشاهين بتاعتهم المرور بتاع البساتين علشان كان معايا رخصه سواقه وعلشان مكنش بيعرف يسوق ال 128 بتاعتى خالص فحين انى انا من الول مره سوقت الشاهين بسهولة هههههههه بس هو كان بيسوق الشاهين ببراعه عارف رحنا 3 مرات بالشاهين ويسقط جه فى المره التالته قالى بص انا اللى هسوق قلتله بلاش قالى ماليش دعوه قلتله خد سوق فضل سايق لغاية القمر الصناعى وهوب لقى امين شرطة بينظم المرور لقيته راح راكن وقالى تعالى سوق قلتله بتعمل ايه يا مجنون المهم لقيت الامين شافنا بس سابنا نعمل اللى احنا عاوزينه وهووووب اول ما انا سوقت لاقيت الامين بيشاورلى الرخص واريته الرخص بتاعتى بتاعت العربية بتاعت ابو صاحبى ده راح لاقهم سلام راح قال لصحبى رخصك قاله معيش راح واخد رخصة العربية وبطاقة صاحبى وقالى شغل الانتظار واقف على جنب رحنا عملين كده ورحنا نازلين راح مدى الرخص لظابط زى العسل شاف قالنا ايه اللى حصل قلناله على الحكاية بالظبط واننا جاين دلوقت من امتحان السواقه وكده راح قايل لصحبى فانت بقى قولت مفيش حكومه وهسوق بقى وماليش دعوه واحنا الاتنين هاتك يا ضحك راح باصص فى رخصة العربية وبعد كده فى رخصة السواقه بتاعتى قالى انت ساكن فى المعادى قلتله اه قاله وانت قاله انا جاره قاله بس العنوان فى حته تانية بس شعبية شوية عن المعادى اسمها حدايق المعادى قاله ما احنا معزلين جديد راح قاله طيب اتفضلوا الرخص راحنا واخدينها واتشكرناله وجرى على العربية بس المره ديه انا اللى سوقت M ADDRIVE ههههههههههههههههههههههههه ه وربنا معاك

ههههههه ... كويس انكم وقعتم فى واحد محترم مش من الى بيشاكلوا دبان وشهم دول ..... و انت كده بتشجعنى اكتر انى احاول اجيب سياره الشعب الفيات 128
شكرا لمرورك الكريم يا sayed