[بحب نوبيرا]

سلام عليكم
حاجه غريبه موضوع الدخنه العربيه الصبح بتجيب دخنه بيضاء رحت للميكانيكي قالي مفيش حاجه الص والموتور سليم والنهارده الصبح نظفت الايدل كنترول ومشيت بتاع ربع ساعه بالعربيه وكنت ماشي الاتاني والاتالت يعني مشدتش بالعربيه لاقيت دخنه كبيره طالعه من الشكمان لدرجه انها وصلت لي وانا بافتح الباب شفتها جايه عليه كان الهواء عكسي المهم دوست بنزين جامد جدا فضلت تطلع دخنه جامده لدرجه انها عمت الناس الي حوليها وبعدين بعد شويه من تزويد البنزين منعت الدخنه وفي حاجه كمان دايما بينزل من الشكمان ميه الصبح ولمابزود بنزين جامد يعني في السلانسيه واوصل لار بي ام 6 ببص الاقي ماء اسود بينزل من الشكمان وبيعمل بقعه سوداء تحت الشكمان وميه كتير من بخار الميه تحت الشكمان بتندي الارض وده لما افضل ادوس بنزين جامد وورتها للميكانيكي قالي عادي مفيش مشكله fبعد كده لاقيت لو مشيت بسيط بالعربيه يعني بالكتير 10كم مالقيش في القربه ميه خالص بس امبير الحراره مبيعلاش ورحت لواحد بتاع اسكانر وصل الكومبيوتر في العربيه وطلعت بالعربيه وهو معايا عشان يقيس درجه الحرار بالكومبيوتر قالي ادرجه الحراره وصلت ل 104 بس امبير الحاره ما بيعديش النصف علما باني قفلت الشكمان بايدي عرقت ميه او بخار ميه مش نقط زيت وكمان الميه في القربه مش مطحنه
معليش سؤال اخير انا فكيت خرطوم الفايز بتاع الموتور عشان اشوف لو في بخره لاقيت لما بزود بنزين بيطلع بخارب بسيط جدا لثانيه
انا اسف طولت قوييييييييييييييييييي
لنهارده لاقيت القربه مافيهاش ولا نقطه ميه مع العلم اني كنت غيرت ميه الردياتير كلها وسلكت الردياتير واطمئنات ان مفيش تسريب فهل ده ممكن يحصل بعد ما تنزيل الماء واضافه ميه خضراء ممكن تكون اثرت في مجاري الميه الي في الموتور وخلت الميه تخش علي الغرف مع العلم اني كشفت علي البوجيهات ولافيت حريقه كويس ومفهاش ولا نقطه ميه او نقطه زيت
طيب هل ده معناه العربيه جابت جوان وش سلندر اتاكد ازاي انه جوان وش سلندر ولا جلد صباب ولوكان جوان ايه افضل نوع جوان للنوبيرا2 ايه واخلي بالي من ايه وهو بيركب عشان الميكانيكيه انتم عارفينهم ممكن يبوظوا الدنيا ارجو الرد وهل ممكن اطمئن علي البساتم والشمايز لما افتح الموتور وازاي اطمئن عليها وشكرا ويا تري ممكن امشي بالعربيه قد ايه قبل ما اعمل جوان وش سلندر من غير ضرر علي الموتور مع العلم ان الميه بتنقص بشكل كبير