[سيف الدين سعيد]

المشاركة الأصلية كتبت بواسطة sayed2077 هههههههههههه الله يبارك فيكم وفعلا انا قريت كده على العلبة بتاعت طقم التيل انى لازم اول 200 كيلو مجريش وافرمل بصورة مفاجئة وبجد مش مصدق نفسى اول مرة افرمل ملاقيش العربية بترعش بجد كنت حاسس من كتر ما اتعودت على الرعشة بتاعت الفرامل ان فيه حاجه نقصت فى العربية هههههههه والله يبارك فيكم وفعلا والله انا مستغرب كل شوية اسمع الناس تشتم فى ال 128 ويلعنوا اليوم اللى جابوه فيها بس الحمد لله عندى العربية عمرها معملت معايا الدنيئة ولا مرة ده حتى الميكانيكى بتاعى لاقيته بيقولى انت على فكرة لو عاوز تسافر بيها سافر وملكش دعوة قلتله ديه تسافر قالى سافر ولو حصل حاجه هجيلك لو كنت فى اخر بلاد المسلمين قلتله يعنى اروح بيها مرسى مطروح قالى روح وملكش دعوة العربية عندك انا شايف انك مبتسكتش على حاجه فيها وايدك فيها على طول قالى سافر ولو حصل حاجه هجيلك والله هو اللى قال كده واكيد مش هيقول كده من نفسه غير لما يكون متأكد اوى من العربية صح ولا ايه

أيوه طبعا الـ128 عربيه حلوه ومش وحشه زى ما بعض الناس بتقول عليها . والسفر بيكون مريح ليها اكتر لأنها بتمشى فى طريق مفتوح ومافيش فرامل كتير ودا بيريحها اكتر . ربنا يسلم طريقك