[wawoo]

المشاركة الأصلية كتبت بواسطة AboNoRa ولازم يبقى فيه ضغط من الخارجية المصرية على المانيا لتقديم اعتذار لاسره الشهيدة ويورونا حملات توعية لمواطنيهم تحثهم على احترام الاخر وترفع عن المسلمين والعرب تهمه الارهاب

يا ما هو فى مصر بيحصل هجمات من مسلمين على الاقباط و من الاقباط على المسلمين بسبب التعصب الدينى و بسبب الجهل و بسبب الاجرام , يبقى معنى كدة ان كل المسلمين بيكرهو الاقباط فى مصر او العكس طبعا لاء , المسلمين و الاقباط فى مصر عيشين فى الاحترام متبادل .
و محصلش ان الحكومة اعتزرت للمسلمين او الاقباط بسبب حوادث اجرامية , الاعتزار يكون بس فى حالة تصرفات حكومية او قرارت من الادارة الالمانية ,

الا اذا كنت متخيل ان الضابط كان قاصد انة يضرب الزوج مثلا , فى الحالة دى يبقى تفكيرك راح لبعيد قوى .

و مشوفناش فى مصر يعنى حملات من الحكومة للمسلمين و الاقباط انهم يحترمو اديان بعض لان دة مفروض بديهى مش محتاج حملات توعية .

و بقولك ان المسلمين بيمرسو حياتهم بحرية فى المانيا و بيتعلمو و بيشتغلو براحتهم و الاتراك المسلمين كمان ليهم مكانة خاصة عند الالمان لانهم سهمو فى بناء المنيا بعض الحرب , عاوز اية تانى .

و بعدين الشعب الالمانى شعب مسالم فعلا و دة عن معاملة شخصية , اية بقى الغرض من التهكم و السخرية على حاجة زى دى , ولا انت متخيل ان الالمان شغالين خناق و قتل فى بعض طول النهار زى ما بيحصل عندنا كدة .
الناس معظم الوقت بيكون فى العمل , و اى تجاوز بيقابل بكل حزم من افراد الشرطة .

للاسف كلامك كلة تعصب اعمى و مش مبنى على تجارب حقيقية , انا ادعوك انك تعمل زيارة لالمانيا , وانت حتعرف اذى اى انسان هناك لة احترامة و لة خصوصية و حقوقة بغض النظر عن لونة و جنسة و دينة , وانا بكلمك من واقع تجربة شخصية , و يمكن كمان يكون فى حد زار المانيا او بيشتغل هناك يقولك زاى بتتعامل هناك .

كون ان فى حوادث شخصية من بعد الافراد , دة لا يعبر ابدا ان الشعب المانى كلة .

يارت تغير فكرت العنصرية دى عن الشعب المانى لانة صدقنى لا اساسا لها من الصحة , و كلها حوادث فردية موجود منها العشارات عندنا .

للاسف احنا اللى عنصريين و عندنا عقدة نقص و متخييل ان العالم كلة ضدنا , بينما الحقيقة ان احنا اللى فقدنا الثقة فى نفسنا , و اصبحنا نجرى وراء شعرات فارغة و تركنا الخلاق و تركنا الحضارة و انتشر التعصب و الجهل بشكل لم يصبق لة مثيل .