[wawoo]

المشاركة الأصلية كتبت بواسطة AboNoRa فاسمحلى حضرتك الموضوع مش اكبر من حجمة ولا حاجة ودم الشهيدة ديه وكرامة المسلمين اكبر واجل بالعكس الموضوع مأخدش حقة ومرة تانى حاجة تفكرنا ان حقوقنا ضايعة بره وجوه

مهو دة اللى انا بتكلم فية , ان الموضوع تحول الى كرامة المسلمين و حقوقهم , و حملة كبيرة ,و الموضوع شخصى فى الاصل و جريمة فردية لا تعبر عن موقف شعبى او حكومى .

الرجل زى ما انت بتقول حصل منة مضايقات قبل كدة , و هى لجأت للمحكمة و المحكمة حكمت لصالحها بغرامة ,
انما احنا للاسف معندناش كل التفاصيل , احنا للاسف بنتسرع فى اصدار الاحكام و بحكم اننا عطفيين طبيعى اننا ننحاز للطرف المصرى , انما انا بقولك معندناش كل التفاصيل , لو انت عندك كل تفاصيل الواقعة الصورة حتكون اوضح بالنسبة لك و حتحكم العقل اكتر .

عندك مثلا من المعلومات اللى وصلت ان الضابط اللى اطلق النار كان اساسا من قاعة محكمة مجاورة ,لان القاعة اصلية اللى كان فيها القضية قاعة عادية ملهاش حراسة خاصة ,و دة ممكن يكون تقصير من القضاء الالمانى اللى لم يتوقع ان الشخص دة يرتكب مثل هذة الجرمية بالنظر دة. عشان كدة لما الضابط ضرب نار فى محاولة يائسة لوقف المجرم الرصاصة جات للاسف فى جسم الزوج .
الموضوع كلة حصل بسرعة , انا مش عارف الملابسات بالضط لكن كان فى محولات واضحة من البداية لتشوية القصة و لاظهار الموضوع على انة صراع دينى و حقد دفين من الغرب ضد المسلمين , و دة مش صحيح بالمرة .

المانيا دولة مؤسسات فيها قانون بيحكم الجميع اى كان لونة او دينة او عرقة , صحيح ان فى كتير من المتطرفين بس دول مكروهين من الشعب ومن الحكومة بالضبط تمام زى المتطرفين اللى عندنا .

و زى ما انت انفعلت كدة للجرمية الشخصية دى , يبقى كان اولى بالفرنسيين او الالمان او اى جنسيات حصل ليها وفيات على ارض مصر بسبب حوادث ارهابية انهم ينفعلو برضو , و يقولو احنا ملناش كرامة فى مصر او ان الاجنبى دينة و دمة مباح فى هذا البلد , و دة محصلش من جانبهم , لانهم متفهمين ان دى حوادث فردية من الارهابيين او المطترفين لا تعبر عن الشعب المصرى او الدين الاسلامى .

الشعب الالمانى شعب محترم و شعب مسالم الى حد كبير ,لكن هذا لا يمنع من وجود مجرمين موجودين و ممكن يتحركو لاى سبب , هو الحادث فى الحالة دى كان لة علاقة بالدين لكن هو فى النهاية حادث فردى لا يعبر عن ظاهرة عامة تجاة المصرين او المسلمين فى المانيا , بدليل ان الاف المسلمين و المصرين و الاتراك و غيرهم بيعيشو حياة طبيعية هادئة مستقرة فى المانيا .

و لما حتوصلك المعلومات كاملة و تتخلص من التحفيز الاعلامى اللى اتعمل حتكتشف ان الموضوع زى ما بقولك كدة .
يبقى كان اولى اننا نتريث فى التعبير عن مشاعرنا و اننا نتفهم الموضوع قبل ما نكبر الموضوع بدون داعى