[ahmed_eng2001]

المشاركة الأصلية كتبت بواسطة تامر ديزل المقال عن الواقع وفرعون هنا هو المجلس العسكري وقوم فرعون هيا الناس اللي رفضت مظاهرات التحرير في الفترة الاخيرة بداية من 19 نوفمبر وعند حضرتك الاستاذ احمد انور ممكن تسأله العباسيه والجيش وحمى الثورة ومبارك كل ده كلام انا مقولتوش خالص انا قولت حاجتين : ايه اللي نعمله علشان ميتقالش علينا قوم فرعون وفاسقين ؟ ( بغض النظر عن اللي كاتب المقال يحق له يوصف الشعب بالوصف ده ولا لأ ؟) وقولت للناس اللي بتزيط مع الزيطه اللي كانوا هيدخلوا يرموا كلام بلاش الشتيمه التقليديه اللي حفظناها جددوا وغيروا لأن فيه ناس معندهاش غير الشتيمه .. مافيش عندها مشروع او فكره تقدمهالنا قيقوم داخل رامي اي كلمتين وخلاص ولا قولت خناق ولا توافق ولا المصلحه واحده ولا اناضد التحرير ولا انا نازل العباسيه ولا اي حاجه من دي معرفش هل دلوقتي اي واحد بيسأل ويطلب توضيح يبقى تبع العباسيه ؟ بقول من تاني ايه المطلوب نعمله ؟ ننزل في مظاهرات يوم 25 يناير ضد فرعون ونسقطه .. تمام .. وبعد كده ايه اللي مفروض يحصل ؟ كلمونا بصراحه يمكن نقتنع

السلام عليكم
يا اخى انا كنت بتكلم بصفة عامة ... و مقصدتش حضرتك و لم اتهمك باى حاجة و انا عارف ان حضرتك مقلتش حاجة من الى انا رديت عليها ... انا كنت بتكلم بصفة عامة .... و لم اقل ان حضرتك مع بتوع العباسية او بتوع التحرير ( كلمة بتوع مش كلمة وحشة )

انا بس رديت على حضرتك فى نقطة ممكن نعمل ايه بعد ان شاء الله لو اسقطنا المجلس العسكرى ... و انا مجبتش كلام جديد ... الناس فى التحرير قالوا من زمان اوى ..... مجلس رئاسى انتقالى ... مكون من بعض الناس ... و يكون الجيش عضو فى المجلس ده .... عضو ... مش كل المجلس يبقى جيش .. او كل المجلس يبقى اخووان .. او كل المجلس يبقى من طائفة واحدة
طيب ... ايه الى بعد المجلس ان شاء الله ؟؟؟؟
انتخابات مجلس شعب... و دى حصلت
انتخابات رئاسية .... ان شاء الله تحصل فى ميعاد محدد
محاكمة المسئولين عن اى ضرر حصل للناس ... قول بقى بلطجة .... و قتل المتظاهرين و عمليات سرقة و تثبيت ..... بناء المبانى من غير ترخيص ..... بمعنى اخر اعادة تطبيق القانون
وضع دستور .... قبل انتخابات الرئيس او بعده ... نبقىنتكلم فى الموضوع ده بعدين .. المهم اننا نحط دستور
و تقبل مرورى