ايه فيلم الأكشن ده يا جدعان
اومال بيقولو عليا انا متهور ليه
بس بصراحة يا باشا، انا بعترف انو عندو قدرة غير طبيعية على التحكم بالعربية،
بس في نفس الوقت سألت نفسي سؤال، سيبك من اللي ممكن يحصل بطريقته دي، هوا خبط (ولا عجن!) كام عربية عشان يوصل للحرفنة دي ولا حتى قتل كام واحد وهوا بيتعلم في الأول ؟ مش مستبعد والله
وطبعا مكنش فيه اي نوع من انواع العقاب عليه لما بيغلط (ولا حتى فلوس التصليح) وإلا مكنش قعد يكررها لحد ما اتعلم!
مش عاوزك تاخد فكرة عني اني راجل عجوز وبمشي 40 اخري وكلام من ده
انا (على لسان تقريبا 95% من اللي حواليا) متهور ووالله في ناس كتير مبتخليش عيالها تركب معايا
ومش هقولك عمري ما جربت الكلام ده، لا جربته، بس على خفيف وبلم نفسي بسرعة وامشي عادي
وطبعا بتبقى في شارع فاضي 100% ومفيش حد ورايا على بعد 5 كيلو على الأقل
لأن كل مرة بفكر اعمل حاجة زي كده بفكر قبليها في النتايج المتوقعة للمصيبة اللي انا هعملها
لو حصل حاجة لازم محدش يضر غيري، فبكون لوحدي في شارع فاضي،
ولو طلعت سليم لازم اصلح العربية، وده موال لوحدو، وده نفس السبب اللي بيخليني الم العربية بسرعة وماتماداش
ده غير طبعا العقوبات اللي هاتنزل عليا من المرور ومن الأهل عندي في البيت
بالنسبة لأخينا اللي في الفيديو،
انا معترف ان عندو قدرة خيالية على التحكم في العربية وهيا بتتزحلق، بس عندو غلطات قاتلة لولا ستر ربنا، شوف في الفيديو نفسو (اللي هوا المفروض احسن حاجة عندو) خبط في النص نقل خبطة خفيفة كده لو لاحظت
انا بالنسبالي عشان أقول عليه سواق جامد لازم مثلا اشوف اخبار سرعة ردت فعلو ايه، وأخباره لو فردت كاوتش ضربت، وحاجات كتير تانية كتير بجانب طبعا قدرته على التحكم في العربية.
وبالنسبة للعربية، فبصراحة لا غبار عليها، ماشاء الله بتستجيب لأوامر السواق بدقة وبسرعة
وفرامل محترمة جدا والا متعملش كده، وماتور عاوز ينط ويقولك "اوعى الوحش"
تسلم ايدك على الفيديو
وسامحني على الإطالة
