المشاركة الأصلية كتبت بواسطة محمد الغمرى
مطلوب سعر تويوتا كرولا موديل 83 خليجى لسه مشدودة كان فيها برومة فى الداخل تحت الكراسى وارضية الشنطة واتعالجت اتعاملها زى ما بيقولو عمرة بارومة والعربية طبعا رشة اجزاء بالداخل ورشة برة يالكامل نظافة واللون سماوى ميتالك والعربية واطية شوية على الأرض والكاوتش بتاعها قديم محتاجة 4 فرد كاوتش جديد واتركب ليها اكصدامات فيبر الشكل الحديث اللى هى بتبقى مسقطة لتحت واخد لون العربية لإن اكصداماتها الأصلية هلكت واتركب ليها فرش جديد وكراسى جديدة نظيفة جدا زى الأصلى الماتور بتاعها ادائه ممتاز جدا ميكانيكى شافه وقال عليه تمام والعربية اساسيتها سليمة مش مركبة لا نصف ولا غيره والكهرباء بتاعتها اتعمل فيها اللازم كله واتغير ليها عفشة كاملة يابانى الأصلية والتكيف بتناعها فريون يعمل بس محتاج شحن والبطارية جديدة فى الضمان محتاجة تغير علبة شكمان لإن الشكمان مخروم ومحتاجة مرايات داخلى وخارجى والزجاج بتاعها عادى مش كهرباء والدركسيون بتاعها خفيف زى ما يكون فيها نصف باور العدادات كلها شغالة البنزين والحرارة والسرعات شغل الكهرباء كله اتعمل واتغيرليها طقم الفوانيس الأمامى والخلفى بس بالتقليد بتاع اليابانى اللى هو التايوانى فوانيس جديدة مش مستعملة لإن اليابانى بتاعها مش موجود مستعمل بس بها جهاز انذار يابانى اصلى ومفيش لحامات خالص فى الشاسية بتاعها
السؤال :
العربية دية بتاعة واحد قريبى وكنت بفكر اشتريها منه بس رخصتها منتهية بس هو ميعرفشى سعرها كام دلوقتى لو باعها وهو قالى اسأل على سعرها وقولى وبعدين نتفاوض مع بعض
أولا : هل العربية كده بالمواصفات دية تبقى حلوة وسعرها كام دلوقتى فى السوق ؟ وتخلص بكام لو اخذتها منه من غير ما اظلمه ولا اظلم نفسى ؟
ثانيا : هل قطع غيارها متوفرة
ثالثا : هل اعادة بيعها بيكون سهل وتكسب ولا تخسر فيها او حتى ممكن تجيب فلوسها تانى من غير ما تخسر ولا تكسب
رابعا : انا مش عاوز اظلمه ولا اظلم نفسى
فأرجوا النصيحة منك بالتفصيل علشان دية هتبقى تانى عربية لو قدر الله واشترتها لإنى كان معاية 24 سيات موديل 77 وبيعتها لمشاكل كتير فيها
|
سيارة معقولة على وصفك تساوى 20000
إعادة بيعها جيدة فى بعض المناطق
قطع غيارها موجودة بقلة