استفسار بخصوص صاج العربية
عندي عربيه 128 موديل 76 عندي بقالها 6 سنيين رخصتها مرتين وقبل الترخيص كنت بحاول اصلح اي برومات موجوده في الصاج وانضفها عشان ارش علي نضيف بس بعد كم شهر 6 شهور مثلا تبتدي تظهر البرومه تاني المهم القايم اتكسر مرتين ولحمته وبرضه بينكسر تاني والوقتي حاله الصاج سيئه جدا والسقف من فوق عند الجوانب شبه مقصوص خالص وفيه برومه اسفل العربيه واطراف الرفارف متاكله خالص وتقريبا دايبه
هل لو اشتريت سقف وركبته هيمشي الحال ولا الحل كورسليه كامل مع اني سافرت بورسعيد مره وسالت عند 3 محلات شغاله في الفيات ومش لقيت
و وهل فيه اجراءات بتتعمل عشان اركب الكورسيله ده بشكل قانوني بحيث ارخص العربيع بدون مشاكل ولا ؟ لاني بصراحه مش مقتنع ان مجرد ان العربيه صدت نرميها علي جنب وخلاص مش نرخصها وتترمي
ارجوا الافاده لاني مش عارف ابيعها علي حالتها كده واكمل المصاريف اللي كنت هصرفها عليها واجيب واحده تانيه ولا هضطر اظبطها واستخدمها لاني مش هعرف ابيعها واللي هيشتريها هيقطمني في سعرها
ويا تري هي بالشكل ده بدون اي شغل فيها تساوي كام تقريبا
|