السلام عليكم ورحمة الله
يا شباب انا كان عندى مشكلة فى علبة البور من فترة طويلة وروحت وصلحتها ولكن المشكلة الاساسية ان كان فى تسريب زيت حصل من داخل العربية على الدواسات اللى ناحية السواق وللاسف اللباد كله شرب زيت وكمان السفنجة اللى تحت الكرسى اتعمت زيت وده عرفته لما روحت للسروجى امبارح فى المنيل وفكينا الموكيتة بتاعت ارضية العربية (الفابريكة) وشيلنا السفنجة وكانت غرقانة زيت واللباد كمان و قالى هنشيله بكره ( يوم الخميس ونركب الجديد ) لكن هو اللباد ده واصل كله ببعضه بمعنى ان الناحية اللى عند السواق موصولة بالناحية اللى جنب السواق ولا كل واحدة منهم منفصلة وهل عشان نشيل اللباد لازم نفك التابلوه ولا مش لازم وكمان انا عاوز اجيب اللباد ده بتاع الفابريكة وكمان السفنجة وهو السروجى قالى انا عندى اللباد مش عارف اذا كان الاصلى ولا لا ) ولكن السفنجة هفصلهالك ( طبعا مش هتبقى زى بتاعت الفابريكة ) فلو حد يقدر يقولى منين اجيب اللباد الاصلى والسفنجة الاصلية حتى ولو استيراد ولكم منى جزيل الشكروارجو منكم سرعة الرد حيث اننى لا املك سوى وقت اليوم فقط وان التركيب سيكون غدا باذن الله تعالى.
