رد: بنزين 80+نفتالين بلى =90
بعد متابعه الموضوع من الاول
الي فهمته ان النفتلين بيعلي اوكتين العربيه يعني ممكن يخلي اوكتين ال80 يوصل مثلا يعني ال 98
وده طبعا حيخلي الحريق داخل البساتم يتم بشكل اقوي واسرع
وبالتالي بيزود العزم والتسارع بشكل كبير وملحوظ
وباتالي توفير في البنزين بشكل ملحوظ
بس طبعا الموتور ليه حد معين من العزم والتسارع مصمم عليهم
واكيد برضه سبيكه المعدن المستخدمه في صناعه المحرك من جسم المحرك الي البساتم والصبابات والشمايز وعمود الكامات وعمود الكرنك معمول حسبها علي نسبه حريق معينه
فاكيد حيبقي فيه تاثير سلبي علي المحرك بعد فتره معينه
يعني مثلا اكن كل 1كيلو بتمشيه بالنفاتلين بيساوي جهد علي المحرك =10 كيلو لو البنزين عادي
فمعني كده ان العمر الافتراضي للمحرك حيقل جدا عن المصمم ليه
معني كده فعلا ان مواتير الاوكتفيا والنوبيرا الي قال عنهم الزميل انهم مشو 40000
فوتو ده لانهم اجهدو بما يعادل مثلا 400000 كيلو
والافتراض ده متهيالي مش محتاج مهندس اوخبير علشان يقلنا عليه
ثانيا موضوع ناتج الاحتراق فده هو الي محتاج متخصص علشان نعرف فعلا
اضراره
وشكرا
|