بسم الله الرحمن الرحيم
الأخوة الكرام أعضاء المنتدى المحترمين
السلام عليكم وبعد التحية
هدافع تانى وتالت ورابع وخامس وهتستقل فى الدفاع عن الجيش المصرى ايوة الجيش المصرى ايوة الجيش المصرى وبكررها وهقولها واعلى صوتى الجيش المصرى, اللى حرر ارض سينا وحرر مصر كلها وحارب اليهود, عارفين يعنى اية اليهود يعنى الصهاينة يعنى المكر والخبث واللؤم, مخافوش ومتعبوش ومجريوش زى أى جيش جرى وهرب.
ايوة الجيش المصرى اللى متبهدل فى الجبل والخيام والمعسكرات والكتائب فى مصر كلها شرقها وغربها واللى بيتحمل اللى ميتحملوش أى جندى فى العالم أيوة فى العالم كلة بيستحمل أكتر من أى جندى مترفة متنعم بيروح الكتيبة بعربيتة الجيمس والبويك وبيقعد فى التكييف وبيشرب بيبسى وبيروح الساعة 2 الظهر
الجيش المصرى دة أبن ناس مش جيش من الشارع مش بلطجى مش ضريب مش مأجور دة الجيش اللى حمانا وحما ثورتنا المباركة ومات منة كتير ولا دة مش شهيد بالله عليكم انتم شفتوا لوحة بأسماء وصور الشهداء من الجنود والظباط اللى ماتو اثناء الثورة لآ طبعا.
عايزين نتقى الله فى جيشنا ونشجعة يحمينا ويحمى بيوتنا وعربياتنا وعيالنا وفلوسنا اللى فى البنوك
على فكرة انا مش بهاجم شخص بعينة ولا طائفة بعينها ولا منتمى لأى حزب سياسى او دينى أو طائفى وماليش اى اتجاة سياسى او دينى او مصلحة شخصية من مصر معنديش قرية سياحية يعنى خايف عليها او عندى قناة قضائية خايف عليها او عندى فريق كورة قدم خايف علية.
انا مواطن مصرى مسلم خايف على مصر
خايف على مصر
خايف على مصر
اللى هيا أهم من أرواحنا وعيالنا وفلوسنا وبيوتنا
مصر ام الدنيا أم الحضارة
وشكرا