رد: يا جماعه انا اشتريت عجلتين امامى نوع اسمه ... ياريت الكل يدخل
اهلا بيك فى مصر موتورز
بالنسبة للترصيص فمبلغ 45 جنية كتير برضو على ترصيص لانوس بس مش هى دى المشكلة
الاهم ان اى مركز حضرتك بترصص او تظبط زوايا فيه لازم يديك ضمان لمدة اسبوع بحيث لو لقيت حاجة مش مظبوطة من حقك ترجع تانى تراجع وتعيد االظبط لحد ما العربية تتظبط
بالنسبة للحدفة يمين فده ممكن يكون الفنى مظبطش وضعية الدركسيون بعد تظبيط الزوايا وغالباً ما بينسو ووارد يكون ليه اسباب تانية بس ده الارجح
فحضرتك لازم ترجع للمركز تانى ويعيد ظبط الزوايا وتطلع تجرب معاه لحد ما تتظبط ومتمشيش الا وهى مظبوطة يا اما يبعتك لحد بتاع عفشة وفى حالة ديه هتظبط العفشة وترجعلة تانى يظبط لحد ما تتظبط وده برضو شامل القيمة لان شغلة المفروض يبداء بالتاكد من حالة العفشة ولو فيه مشكلة فى العفشة المفروض يبعتك للعفشجى الاول وبعدين ترجعلة
وبدام العفشة سليمة والشاسية مفيهوش حاجة يبقى حل المشكلة عند بتاع الزوايا والترصيص والكاوتش
ارجو انى اكون افدتك وياريت تطمنا عملت ايه ptmnlo123per122
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|