[dr_eslam_66]

السلام عليكم ورحمة الله وبركاته
أولا أحب أوضح إني خبرتي في ميكانيكا السيارات لا تذكر ياعني أنا من بتوع دوّر وإمشي.
المهم أنا عندي عربية كرولا 2002 بشكل عام هيا الحمد لله زب الفل مابشتكيش منها في أي حاجة, ولكن من كام يوم وأنا بدور الصبح لاحظت دخان أبيض كثيف من الشكمان لدرجة إني شوفته في مراية الجنب فا نزلت أبص فيه إيه لقيته من الشكمان.
الدخان أبيض صافي مع وجود قليل من قطرات الميّة بتتساقط من الشكمان, والكلام ده مابشوفوش بعد العربية مابتسخن ياعني هيا أول دوارة الصبح بس وغالبا اليومين دول الدنيا ساقعة.
فا أنا عايز مساعدتكم في تقييم الوضع ليه هيا بتعمل كدة؟ وهل دا حاجة خطيرة ولا بسيطة؟ وهل ممكن أتجاهلها لأني كدة كدة عايز أغير العربية بس ممكن بعد سنة ولا حاجة فا هل هتستحمل معايا؟
للعلم بس أنا لسة مغير (سير الكاتينة والبوجيهات وقواعد الماتور ومغير زيت وفلتر الزيت للجير بوكس) وكنت غاسل المكنة بزيت غسيل ومغير الزيت والفلتر وبتوعها ودا دوريا بغيرهم وعومري ما أهملت في مواعيدهم.
عموما ممكن تكون المشكلة كانت من فترة كبيرة بس أنا ماخدتش بالي منها غير دلوقتي.
وعندي شك إني ممكن حاجة من الي عملتها تكون هيا السبب ولاكن الشك دا ضعييييف.