[طارق السحت]

المشاركة الأصلية كتبت بواسطة koashraf فعلاً.. توفيق عكاشه بيخاطب ال60% امى الموجودين فى مصر بلغة المصطبه(ده حسب كلامه هو)والناس دى ممكن تقتنع بيه وتصدقه وكمان تنتخبه.... لكن تعالوا نتفق على شويه حاجات ..اولا هو مش اعلامى ولا اعلانى ولا يحزنون هو التعريف الصحيح ليه انه ارزقى بياكل على موائد السلطه اى سلطه وعنده استعداد يبوس ايد ورجل اى حد جالس على الكرسى ... تانى حاجه ان الصحافه الاجنبيه بتتكلم عليه دى حقيقه ..بس التعريف الصحيح بتتريق / يتسخر/ بتتندر عليه وخلاص على اعتبار انه نوع من الحاجات الطريفه اللى جايه من مصر... مثال على كده لما قال ان 60% من الاسرائيلين طيبين والباقى وحشين على اعتبار اننا بنلعب فى الحاره مثلاٌ وفيه اولاد وحشين مالناش دعوه بيهم وفيه اولاد كويسين نصدر ليهم الغاز.. نيجى باه للانكت من كل ده انه قال انه فكر يترشح للرئاسه لانه مالاقاش حد من الشباب يقوم بالامرده يعنى يترشح قوم ايه بأه قرر هو يتولى هذا الموضوع نيابة عن شباب الثوره اللى هما اساساً مش طايقينه..... انا شخصيا شايف ان المثقفين بيعتبروا انه نكته وظاهره صوتيه مؤقته مسيرها الى زوال...واهو بيتسلى وبيسلينا على رأى المخلوع..واكيد فى يوم من الايام سوف تمحى الاميه من مصر والناس المخدوعين حيقتنعوا انه زى شعبولا حاجه بيشغلو بيها المصريين زى ماتشات الكوره ....والصبح لمانروح الشغل نتكلم عن ماتش امبارح وتيفا فى الفراعين...وعجبى!!

احييك على الرد المنطقى المعقول،،الذى يتسم بالموضوعية :018 A1D~146: