[غريبو99]

بسم الله الرحمن الرحيم
الأخوة الكرام أعضاء المنتدى المحترمين
السلام عليكم وبعد التحية

وددت أن أعرض على حضراتكم نوع من أنواع الزراعات فى مجتمعنا
وهى زراعة الخوف فى تربية أولادنا شئ عجيب فعلا ان نزرع الخوف والحذر فى قلب طفل صغير منذ نعومة أظافرة ونصر على ذلك بشدة لأ أدرى ما السبب الحقيقى لذلك وقد نستخدم الفاظا تحذيرية كل دقيقة لأولادنا فى كل المواقف وكل ساعة وكل وينشأ الطفل على ذلك ينشأ على الجمل التحذيرية المستمرة والمتكررة والتى تتعلق بذهنة حتى الكبر فيصبح متمرسا على ذلك وينقلها لأولادة وأولادة ينقلونها لأولادهم ويتوارث الخوف, الخوف من المستقبل, إنة المرض الخطير الذى يصيب الشعب المصرى مرض خطير فعلا خطير زرع فى قلوبنا منذ الصغر وتربينا علية.
خايفين من المستقبل خايفين من الحضانة وبنعيط خايفين من المدرسة ومش عايزين نروح خايفين من المدرس والمدرسة بنتمنى يوم الأجازة بنتمنى المدرسة تقفل.
دى البداية وبعد ذلك تتوالى الأخافات خايفين العيش يخلص من الفرن خايفين النور يقطع خايفين المية تقطع خايفين نفتح باب البيت خايفين من بعض, أوعى , حاسب , خلى بالك , أوعى تقع , خد بالك , أوعى تتزحلق , متلعبش بعيد , أوعى السلم , حاسب العربيات فى الشارع , اوعى تطلع البلكونة لتقع , خلى بالك من الكهربا , وتحذيرات أخرى كثيرة على مدار اليوم والأسبوع والعام والعمر كلة.
وبعدين نقول مرض نفسى والولد متعقد والبنت معقدة وخايف وخايفة
وخايف من ................ وخايفة من .......................

مرض خطير عند الأباء والأمهات والأبناء والمجتمع المصرى
واية العلاج ؟ دة السؤال ؟
يا ترى فى حل ياترى فى علاج
وشكرا