[mostafakamal]

شكرا لمن رد على مداخلتي وأحب أوضح أن كلامي مش دعوة لأي واحد عشان يشترك في الثورة لأن للثورة رجالها ونسائها المؤمنين بها، أنا بأتكلم عن واقعة محددة وهي سحل المتظاهرين وضرب البنات وبدلا من رفض الشعب لها ومناصرة المتظاهرين ولو بالكلمة لقينا الهجوم على البنات المتظاهرات من أغلب الشعب.
أما عن الموضوع الاصلي وهو المخطط لاشعال البلاد في الفوضي، فيدعي المجلس العسكري انه توافرت لديه معلومات عن هذا المخطط اللي بيهدف لاستفزاز الجيش ووضعه في مواجهة مع الشعب لاسقاط الدولة وجعلها حرب أهلية وبعدين يسكت المجلس العسكري وميقولناش على تفاصيل المعلومات دي ولا حتى على الطرف الثالث "المزعوم" اللي وضع المخطط ده وميقولناش ليه ميقومش بعمل استباقي ضد الطرف الثالث المزعوم الخفي ده لمواجهة وضرب المخطط ده وده مسئولية اللي بيحكم البلاد دلوقتي، مش بس كده نلاقيه يهدد ويخوف الشعب