السلام عليكم ورحمة الله وبركاته
اليكم مشكلتى الدائمه مع كوبرى
السيده عيشة
:fun_ca r:
انا كل ما بنزل سوق السيده عيشة وعند دخلة الكوبرى ده والله العظيم بحس ان العربيه بقيت تقيله جدا جدا وعمال ادوس على البنزين العربيه مش عاوزه تمشى مع العلم الكلام ده محصلش مره واحده معايا لا ده انا كل ما اروح هناك يحصل كده وفعلا بضطر امشى على التانى علشان العربيه تمشى واول ما بمشى بعيد شوية بلاقى العربيه رجعت لحالتها الطبيعيه لدرجة انى مره بسأل خالى ومكنتش اعرف اصلا ان المنطقه ديه بيحصل فيها حوادث وكده فبسأل خالى على اللى بيحصلى ده هناك راح قالى علشان الحته ديه زفرة قلتله يعنى ايه راح قالى مش لازم تعرف ومن ساعتها مش عارف قصده ايه بس اللى انا عارفه انى كل ما بقرب من الكوبرى ده لازم غصب عنى اجيب التانى علشان العربيه ترضى تمشى