[devil_storm]

انا اعز اصحابى معاة النترا 2012 فولى لودد و علطول بركبها معاة و سوقتها كذا مرة و مختلف مع حضرتك فى معظم اللى قولتة

المشاركة الأصلية كتبت بواسطة socobolos انا اشتريت نيو الانترا في 2007 اول ما نزلت و كانت ب 95 الف جنيه اوتوماتيك و فضلت معايا لحد 2012 و عملت 212 الف كيلو و بعتها و اشتريت ال2012....وكيل اوتوماتيك فتحة سقف....اول ماركبت الجديدة حسيت بالاتي بالمقارنه بالعربية السابقة 1- العفشة زفت و بتخبط في المطبات الصغيرة اكتر من اللي مشيت بيها 212 الف العفشة متوسطة مش ناعمة ذى القديمة و لا ناشفة ذى السيراتو حاجة متوسطة ذى الكروز كدة و دى افضل حاجة بصراحة, لان الناعمة قوى بتبقى مقرفة فى مطبات الهوا على الطرق السربعة 2-الثبات زفت مقارنة بالقديمة العربية ثباتها حلو جدا و اثبت من القديمة, لان قاعدة العجلات اكبر و اعرض و كمان الكوتش جنوط و اعرض و نشوفية العافشة النسبية مقارنتا بالقديمة مدياها ثبات اكتر و الباور الكهرباء اتقل شوية بسيطة من القديمة و كمان العربية سقفها اوطى و تصميمها مديها ثبات اكتر 3-التسارع زفت الزفت الزفت الزفت خالص و تحس انك راكب 1300 مقارنة بالقديمة...كنت بالقديمة بنفخ اي هوندا او سيراتو او لانسر و بسهولة ملحوظة كمان و كنت لحد ما بعتها العداد بيجيب 200...الجديدة بعد ال120 بتزعق عالفاضي هى القديمة كان تسارعها ممتاز و الجديدة نفس الحكاية و افضل شوية كمان, انت بس اعمل ال eco off و انت تنفخ اى عربية تانى 4-السماعات منغير تويتر و مكتومة و غالبا وان واي سبيكر باشا الصوت تحفة و فى 6 سماعات و افضل طبعا من القديمة... انت خلى الاكوليزر مانيوال و ظبط البيز و التربيل 5- الفرامل اللي ورا برميل مش اسطوانه زي القديمة و ده معناه في الحر الفرامل هتكون اضعف من القديمة الفولى لودد فيها فرامل تحفة لان فيها abs و جنوط و كمان الكوتش عريض مقارنتا بالقديمة 6-جهاز الانذار مرة يضرب و عشرة لأ و هروح انفخهم في التوكيل ...لانه بتشغل الانذار و اذا فتحت بمفتاحك الانذار مش بيشغل مرة و عشرة كنت قريت ان علشان الانذار يشتغل لازم تقفل بالريموت و تستنى دقيقة, يعنى هو مش بيشتغل اول ما تقفل العربية 7- و اخيرا المفجأة الكبرى عربية اخويا اتسرقت الانترا 2012 سودة وكيل نتيجة عدم انطلاق جهاز الانذار و استطاع السارق انه يفك مسوجر الدركسيون و تشغيل العربية و عند الابلاغ اتفاجئ اخويا ان في عده بلاغات بسرقة الانترا بعد صيانة الالف كيلو بمفتاح مصطنع و بنفس الطريقة و بعتنا لغبور و طلبوا التفاهم عشان سمعتهم تقريبا .... المهم الضمان بيغطي جهاز الانذار و بالتالي المفروض يتحمل نتيجة سرقة العربية و عدم انطلاقة. دى معرفش بس القديمة كانت بتسرق كتير الجديدة بقى معرفش نظمها اية بس اكيد حتكون بتسرق بردة الا لو كان غابور محترم نفسة و منزلها فيها ايموبليزر كل الفئات ذى الكروز المحصلة لو معاك القديمة اوعى تزعل .... افرح انك ما شربتش المقلب باشا مفيش مقلب لان الجديدة تتفوق فى معظم النقاط عن القديمة و دة مش كلامى بس, دة كلام كل مواقع تقييم السيارات العالمية انا فاكر تعبير يمكن سمعتة فى 3 رفيوهات مختلفين لما بيقارنو القديمة بالجديدة بيقلوا الجديدة huge step forward مقلب ازاى بقى!!!! اذا كانت الالنترا الجديدة تفوقت فى بعض الريفيوهات الاجنبية على الجيتا 2012 و المازدا و الكرولا و الهوندا و الفورد فوكس و الكروز يبقى ازاى مقلب!!!!