رد: حكايتى مع القرصان أحمدكار وباقى القراصنه !
المهم توكلت على الله و ذهبت الى الربوه و فعلا مكان أكثر من رائع و هيه فعلا ربوه و لها مطلع مسفلت
و منزل مسفلت و حاجه فل الفل ! بس المدخل و المخرج صعب العثور عليه و يا حبذا لو كان فيه بوابه !
و على المدخل اتصل بى أحمدكار و انت فين يا دكتور ؟ قلت له أنا على المدخل ورأى السياره و قال لى تمام !
طبعآ قابلنى بترحاب و وجدت قعده ظريفه حوالى 10-11 شاب واضح انهم كلهم ولاد ناس بس أكبر واحد فيهم
لا يعدى ال 25 سنه ! و أنا ما فيش عندى مشكله ! أقدر أقعد مع رئيس جمهورية الصومال كما انى أقدر أقعد
مع أبسط شخص فى الوجود بنفس الكيفيه ! و بعدين بأحب قعدة الشباب لآنى بأحس انى شاب من جديد !
سلمت عليهم ! و لا حظت انهم كلهم بيتكلموا عن السيارات و بيتبادلوا الخبرات ! قلت والله حاجه حلوه !
ما كانش على أيامنا الحاجات دى ! و اتضح ان كلهم هيونداويه ! وأحمدكار قال لهم انى عاوز أشترى نيوأكسنت
فتطوع أحدهم بأنى أجرب سيارته و كان شخص ظريف و محترم اسمه باسم ( تقريبا ) و نزلت معه و فوجئت
أنها مانيوال ! و أنا لم أقود مانيوال من 20 سنه تقريبآ ! طبعا كانت واقفه فى مطلع فكبست لها بنزين و نطت
منى أمريكانى ( فاعتذرت للآخ انى لم أقد مانيوال من زمان ) ptmnlo123per144 بس لجمت العربيه و مشيت بها و لم
أزيد السرعه عن 110 كم على الدائرى ! و برده اتخميت وأعطيتها الخامس على انه التالت ( مسخره ) !
المهم فى 3 دقايق خلاص أخدت على السياره و تم ترويضها ! بس صرفت النظر عن شرائها لآنها سريعه
جدآ و خفيفه جدآ ! و أخاف على أولادى منها ! و برده أخاف على نفسى لآن شيطان السرعه برده بيجرى
فى دمى ! و رجعت للربوه و لم أجد المدخل لآن ميكروباس كوستر كان بيحمل أمام المدخل و سادد الدنيا !
و بعد لف و دوران دخلت لقيت الشله نزلت و ماشيين ! ( و ما دفعتش الحساب ! ptmnlo123per154 ) !
قلت خلاص الحمدلله عل كده ! قعده ظريفه و ناس ظريفه و جربنا سياره و الآدرينالين ارتفع فى دمى !
أتارى القرصان أحمد كار كان محضر لى مفاجأه و قال لى ان سومو و أبو نورا ح يقابلونا فى حدائق القبه !
عند ابن سندر ! و رغم ان الساعه بقت 11 تقريبآ و المفروض انى أكون نايم ! بس وافقت لآنى عاوز أشوف
أى حد من الآعضاء طبعآ بالاضافه لآحمد كار ! و من هنا نبدآ الرحله الثانيه !
يتبع ! Dr. Bolbolan ptmnlo123per1127
التعديل الأخير تم بواسطة Dr. Bolbolan ; 06-07-2009 الساعة 12:09 PM
|