رد: حكايتى مع السيارات فى العراق !
و الله عندك حق يا دكتور 27 سنة اتلخصوا في كام سطر
و يشرفني طبعا ان اللغة و السرد عجبوك
طبعا انا في الخدمة من ناحية اي التفاصيل بس يا ريت تحددلي بخصوص اية بالظبط
اما بالنسبة لامريكا فانا روحت هناك عشان امتحن لشهادة اسمها CPA و دي اختصار Certified Public Accountant و دي مشهورة اوي ما بين معشر المحاسبين و المراجعين و الامتحان طبعا في امريكا بس و ده اكبر سبب لشهرتها و صعوبتها في نفس الوقت. انا امتحاني كان في مانهاتن قلب نيويورك و كل اللي راحو قبلي قالولي انس موضوع العربيات ده خالص لان الركنة في مانهاتن درب من الخيال سواء في توفرها او اسعارها و قد وجدت هذا فعلا و حيث ان في امريكا صب واي محترم كان اعتمادي علية كلي لان مواعيدهم مظبوطة بالثانية و ده مهم جدا بالنسبالي لان الامتحان كان بالمعاد. لكن بشكل عام الامريكان ميالين للعربيات العملية و كل واحد بيجيب العربية اللي تناسب ظروفة و في كتييير معتمدين علي نظام الايجار او lease و مريحين دماغهم و طبعا بيوفرا في ضرايبهم اللي هي حاجة مهمة جدا في حياتهم. ده باختصار حوار امريكا و لو اي حد عندة اي استفسارات تانية انا في الخدمة
__________________
Sharief Mansy
Farewell my Cayenne, you were the best car i ever had and driven
|