[Saif eldien]

ناس كثيرة مش فهمة اى شى الان فى البلد والغريبة ان اى حوار اصبح ينتهى بغضب او مشكلة وكاننا بنقول يتبقى معى فى الراى يتبقى مع الناس الثانين

طيب هو انت رايك دة بناء على اية ميعرفش يجاوب قولك انا شوفت فيديو انا شوفت صور انا حد قالى

ال مجنينى انا نفسى اشوف اول واحد يطلع ويقولى انا ال صورت الفيديوا دة انا صاحب الصورة دة كان الخبر ملوش صاحب وال مجنينى اكثر ناس بتحدف طوب وضرب نار وواحد تانى ماسك موبيل وقدر يصور ومتابع طيب مش خايف ومركز وانت ماسك وبتصور بجد انت بطل ولازم تعلن عن نفسك

طيب يجى يقولك فى مخطت لتدمير البلد طيب متقول كدة على الصريح ولا لسة مش متاكد من الامور

وال يجنينى اكثر ناس كثيرة عمالة تجيب صور وفديوهات نفسى اشوف الجدع ال صور الحجات دة ولا حد يقولى هو كان موجود وهو ال صور الكلام دة

عيزين الجيس يسيب ادارة البلاد ومش عيزين البلد تتحكم من العسكر طيب محنا طول عمرنا محكومين من العسكر
محمد نجيب
جمال عبد الناصر
انور السادات
محمد حسنى

طيب حد يجى يقولى ان البردعى دة حد كويس طيب عمل اية فى البلد ولا اى حد مش هيعمل شى كويس فى البلد غير لما كون رئيس
وحتى ال عيزين يبقى اعضاء مجلس شعب متعرفوش تعملوا اى شى كويس غير لما تكون معاك حصانة واقسم بالله ان لو عملوا عضوية مجلس الشعب من غير حصانة حتى لو قولت لبتوع الحزب الوطنى تعال رشحوا نفسك محدش هيجى يرشح نفسة ولا اى حزب

وبعدين طيب مالبلد فيها كل يوم 10 او 15 واحد بيموتوا طيب متيجوا نحاكم الرئيس السابق ومن حولة ونجيب اعدام ليهم يقولك لا اصل دة غلط وبعدين ناس تطلع تقول فى قانون فى البلد

وبعدين تحس ان البلد الان بقت عملة زى التورتة وكل واحد عايز ياخذ حتة ويجرى وتشوف شخصيات ملية شاشات الفضائيات نفى واحد فيهم يقدم حل بجد ولا نمسكة قرية ونقولة انهض بيها قبل متكلم فى مشاكل البلد وتعايب

نفسى اشوف واحد محدش يعايب علية وبعدين طيب محنا استحملنا كثير نستحمل شوية لغاية ميجى رئيس

بس عايز اقول شى الرئيس ال هيجى ايا كان برضة مش كل الناس هتئيدة هنعمل اية لو مليون واحد مش عجبيهم هيروح يعملوا تظاهر
وطبعا الرئيس القادم مش معاة عصا سحرية علشان يحل مشاكل موجودة من 30 سنة

الحل من وجة نظرى نشتغل ونحاول احنا بنفسنا نصلح ونغير من السلوك وننهض بجد
اية دة دة الواحد من كثر قراء الاخبار وسماع البرامج وكثر الكلام بقة بيتكلم زى الناس كلها من غير حلول

لا بجد انا عندى حل كويس زمان كنا نسمع عن واحد اسمة طلعت باشا حرب عمل مشروع اسمة القرش وكنا واحنا صغيرين بيدرسولنا القصة دة وقراناها وبمشروع القرش عمل نهضة اقتصادية عمل بنك مصر عمل شركات كثيرة

طيب متيجوا نعمل المشروع دة ونسمية حملة الجنية ونلم الفوس دة كل شهر نعمل بالمبالغ ال تتلم مشروع نشغل الشباب ونبنى اسكان

نروح بقة للقرية نعمل فيها الاتى نجيب مجموعة شباب ونشوف مشاكل القرية ونبداء فى حلها عن طريق مساعدة احد رجال الاعمال او الجيش

بدل ميكون فى تقديم للشباب عن طريق الجيش كل سنة نيجى نعمل ان الجيش هيكون ان الشباب تتقدم فى الخدمة الميدانية يعنى نساعد فى زراعة ارض ودة فترة الجيش ال بيقضيها اى شاب بعد انتهاء الدراسة

نقول كمان ولا الافكار تسرق